सोलापूर : येथील बोधिसत्व डॉ. बाबासाहेब आंबेडकर जयंती उत्सव मध्यवर्ती महामंडळाच्या विश्वस्त अध्यक्षपदी माजी गटनेते आनंद चंदनशिवे तर सचिव पदी रॉकी बंगाळे यांची निवड करण्यात आली आहे, अशी माहिती विश्वस्त समितीचे मावळते अध्यक्ष बाळासाहेब वाघमारे यांनी पत्रकार परिषदेत दिली. या मध्यवर्ती महामंडळाच्या विश्वस्तांची बैठक दि. 5 मार्च 2026 रोजी सम्राट चौक येथील चित्रा हॉटेलमध्ये ज्येष्ठ नेते पी. आर. बनसोडे यांच्या अध्यक्षतेखाली पार पडली. बाळासाहेब वाघमारे यांच्या विश्वस्त अध्यक्ष पदाची तीन वर्षाची मुदत संपली तसेच सचिव पदावरील केरू जाधव यांचे निधन झाल्याने या दोन्ही पदावर नवी नियुक्ती करण्यात आली आहे. विश्वस्त अध्यक्षपदी आनंद चंदनशिवे तर सरचिटणीस पदी रॉकी बंगाळे यांची एकमताने निवड केली आहे. उर्वरित विश्वस्त कमिटी आणि त्यांची पूर्वीची पदे जैसे थे ठेवण्यात आली आहेत.
सोलापूरला साजेशी अशी भीम जयंती यंदाही साजरी करण्यात येणार आहे. महामंडळाच्या येणाऱ्या बैठकीमध्ये भीम जयंती उत्सवा संदर्भात अंतिम नियोजन ठरविण्यात येणार आहे. दिमाखात मिरवणूक काढण्यात येणार आहे, असे नुतन विश्वस्त अध्यक्ष आनंद चंदनशिवे यांनी सांगितले या पत्रकार परिषदेस सचिव रॉकी बंगाळे, उत्सव समिती अध्यक्ष विकी शेंडगे, पी. आर. बनसोडे, बाबा बाबरे, मिलिंद प्रक्षाळे , सागर उबाळे, विनोद वाघमारे, अजित बनसोडे, शांतीकुमार नागटिळक, सिद्धेश्वर पांडगळे, आशुतोष नाटकर, सुहास सावंत, दत्ता शिंदे आदींसह पदाधिकारी उपस्थित होते.
