सोलापूर : सोलापूर महानगरपालिकेच्या सार्वत्रिक निवडणुकीसाठी दि. १५/०१/२०२६ रोजी मतदान व दि. १६/०१/२०२६ रोजी मतमोजणी होणार आहे. या पार्श्वभूमीवर निवडणूक प्रक्रियेसाठी आवश्यक असलेले ईव्हीएम मशीन, मतदान साहित्य वितरण व स्वीकृती, मतदानानंतर ईव्हीएम मशीन सुरक्षित ठेवणे तसेच मतमोजणीची ठिकाणे निश्चित करणे आवश्यक होते.
त्या अनुषंगाने आयुक्त तथा निवडणूक अधिकारी डॉ. सचिन ओम्बासे यांनी सोलापूर महानगरपालिकेच्या अधिपत्याखाली असलेल्या इमारतींमधील खोल्या व खुल्या जागा अधिकृत केल्या आहेत. सदर ठिकाणांचा वापर मतदान साहित्य वितरण व स्वीकृती, ईव्हीएम मशीनसाठी स्ट्रॉंग रूम तसेच मतमोजणीसाठी करण्यात येणार आहे.
निवडणूक निर्णय अधिकारी व त्यांना नेमून दिलेल्या जबाबदाऱ्या पुढीलप्रमाणे आहेत —
- निवडणूक निर्णय अधिकारी क्र. १ – श्री भैरप्पा राजू माळी
- प्रभाग क्रमांक १, २, ३ व ४
- मतमोजणी ठिकाणी : वेलणकर हॉल, दयानंद कॉलेज, सोलापूर
- ईव्हीएम स्ट्रॉंग रूम : वेलणकर हॉल येथील रूम नं. १ (पहिला मजला) व रूम नं. २, दयानंद कॉलेज, सोलापूर
- निवडणूक निर्णय अधिकारी क्र. २ – श्रीमती विजया पांगरकर
- प्रभाग क्रमांक ५, ६, ७ व १५
- मतमोजणी ठिकाणी : सेंट्रल लायब्ररी बिल्डिंग, सिंहगड कॉलेज, केगाव, सोलापूर
- ईव्हीएम स्ट्रॉंग रूम : मॅनेजमेंट बिल्डिंग, तळमजला, सिंहगड कॉलेज, केगाव, सोलापूर
- निवडणूक निर्णय अधिकारी क्र. ३ – श्री सचिन इथापे
- प्रभाग क्रमांक ८, ९ व १४
- मतमोजणी ठिकाणी : शासकीय तंत्रनिकेतन, सोलापूर
- ईव्हीएम स्ट्रॉंग रूम : रूम नं. ४ व ५, शासकीय तंत्रनिकेतन, सोलापूर
- निवडणूक निर्णय अधिकारी क्र. ४ – श्रीमती अंजली मरोड
- प्रभाग क्रमांक १०, ११, १२ व १३
- मतमोजणी ठिकाणी : कुचन प्रशाला कनिष्ठ महाविद्यालय इमारत, सोलापूर
- ईव्हीएम स्ट्रॉंग रूम : मातोश्री आशाताई अंबादास सरगम शाळा, रूम नं. ३, नर्सरी स्ट्रॉबेरी, कुचन प्रशाला, सोलापूर
- निवडणूक निर्णय अधिकारी क्र. ५ – श्री अभिषेक देशमुख
- प्रभाग क्रमांक १६, १७, १८ व २१
- मतमोजणी ठिकाणी : विलासचंद मेहता माध्यमिक प्रशाला, जुळे ,सोलापूर
- ईव्हीएम स्ट्रॉंग रूम : विलासचंद मेहता माध्यमिक प्रशाला, तळमजला, जुळे, सोलापूर
- निवडणूक निर्णय अधिकारी क्र. ६ – श्री सदाशिव पडदुणे
- प्रभाग क्रमांक १९, २० व २५
- मतमोजणी ठिकाणी : नूतन मराठी विद्यालय, सोलापूर
- ईव्हीएम स्ट्रॉंग रूम : नर्सरी फुलपाखरू कलादालन, नूतन मराठी विद्यालय
- निवडणूक निर्णय अधिकारी क्र. ७ – श्रीमती जयश्री आव्हाड
- प्रभाग क्रमांक २२, २३, २४ व २६
- मतमोजणी ठिकाणी : शहीद राहुल शिंदे बहुउद्देशीय सभागृह, SRPF camp, विजापूर रोड ,सोलापूर
- ईव्हीएम स्ट्रॉंग रूम : शहीद राहुल शिंदे बहुउद्देशीय सभागृह,SRPF camp, विजापूर रोड, सोलापूर
सर्व संबंधित अधिकारी, कर्मचारी व राजकीय प्रतिनिधींनी निवडणूक प्रक्रिया शांततापूर्ण, पारदर्शक व सुरळीत पार पाडण्यासाठी प्रशासनाने दिलेल्या सूचनांचे काटेकोर पालन करावे, असे आवाहन निवडणूक प्रशासनाच्या वतीने करण्यात आले आहे.
