सोलापूर जिल्हा परिषदेचा डंका! ई-प्रशासनात पटकावला प्रथम क्रमांक; मुख्यमंत्र्यांकडून सादरीकरणाचे निमंत्रण

सोलापूर: राज्याच्या १५० दिवसांच्या ई-गव्हर्नन्स सुधारणा कार्यक्रम आणि ‘सेवाकर्मी’ उपक्रमात सोलापूर जिल्हा परिषदेने बाजी मारली आहे. पारदर्शक कारभार आणि डिजिटल प्रशासनात उत्कृष्ट कामगिरी बजावत सोलापूर जिल्ह्याने राज्यात प्रथम क्रमांक पटकावला आहे. या ऐतिहासिक यशाबद्दल जिल्हा परिषदेचे मुख्य कार्यकारी अधिकारी (CEO) कुलदीप जंगम यांचा उपमुख्यमंत्री देवेंद्र फडणवीस यांच्या हस्ते विशेष सन्मान करण्यात येणार आहे.

हा सोहळा शनिवार, २८ मार्च २०२६ रोजी मुंबईतील सह्याद्री अतिथीगृह येथे पार पडेल. केवळ सन्मानच नव्हे, तर मुख्यमंत्री सचिवालयाने कुलदीप जंगम यांना सोलापूर पॅटर्नचे सादरीकरण करण्याची विशेष संधीही दिली आहे. डिजिटल क्रांती आणि गतिमान सेवा वितरणामुळे सोलापूर जिल्हा परिषद आता राज्यासाठी ‘रोल मॉडेल’ ठरत आहे