सोलापूर: सोलापूर महानगरपालिका पाणीपुरवठा विभागांतर्गत येणाऱ्या जुळे सोलापूर एम.बी.आर. उंचावरील टाकीची मुख्य जलवाहिनी आसरा पुलाजवळ कल्याण नगर येथे रेल्वे रुळाशेजारी फुटली आहे. या गळतीमुळे मोठ्या प्रमाणावर पाणी वाया जात असून, दुरुस्तीचे काम रेल्वे विभागाच्या संमतीने सोमवार, दिनांक २३/०३/२०२६ रोजी हाती घेण्यात येणार आहे.
या दुरुस्ती कामासाठी बराच वेळ लागणार असल्याने, जुळे सोलापूर एम.बी.आर. टाकीवरून होणारा पाणीपुरवठा सोमवारपासून एक दिवस पुढे (वन रोटेशन पुढे) ढकलण्यात आला आहे.तरी पाणीपुरवठा विस्कळीत होणार असल्याने नागरिकांनी उपलब्ध पाण्याचा वापर अत्यंत काटकसरीने करावा आणि महानगरपालिकेस सहकार्य करावे, असे आवाहन सार्वजनिक आरोग्य अभियंता, सोलापूर महानगरपालिका यांच्या वतीने करण्यात आले आहे.
