सोलापूर ; सध्याच्या डिजिटल आणि स्पर्धेच्या युगात विद्यार्थी दशा ही इतकं सोपी राहिलेली नाही त्यातून इंजीनियरिंग चा अभ्यासक्रम हा कमी वेळात जास्तीत जास्त उपक्रम असणारा अभ्यासक्रम आहे. त्यामुळे बहुतांश विद्यार्थी हे तणावाखाली वावरतात व त्याचा परिणाम त्यांच्या अभ्यासावर कार्यक्षमतेवर व आरोग्यावर दिसून येतो. तर तणाव व्यवस्थापन हे सद्य परिस्थितीत एक आवश्यक कौशल्य बनले आहे. काही श्वसनाचे तंत्र अभ्यासपूर्वक आत्मसात केले तर तणावाचे व्यवस्थापन करणे सोपे जाते. हाच विचार घेऊन ए.जी. पाटील अभियांत्रिकीच्या संगिनी वुमन्स फोरमने सर्व विद्यार्थ्यांसाठी एक कार्यशाळा आयोजित केली होती यासाठी आर्ट ऑफ लिविंग चे श्री रघुराज चव्हाण व त्यांची टीम उपस्थित होती. दोन तासांच्या या कार्यशाळेत श्री चव्हाण यांनी अतिशय सोपे असे विविध श्वसनाचे तंत्र विद्यार्थ्यांना प्रात्यक्षिकाद्वारे शिकविले व विद्यार्थ्यांकडून करून घेतले. तसेच फोकस किंवा एकाग्रता वाढविण्यासाठी काही कृती करून घेतल्या.
या कार्यशाळेसाठी जवळजवळ २२० विद्यार्थ्यांनी सहभाग नोंदविला. चव्हाण यांनी अनेक प्रात्यक्षिकांसोबतच श्वसनाचा आपल्या शरीरावर होणारा परिणाम विविध उदाहरणे देऊन स्पष्ट केला. तसेच श्वसनाचे विविध तंत्र आत्मसात केल्यानंतर श्वसनाचे होणारे सकारात्मक परिणाम ही विशद केले.
यावेळी काही विद्यार्थ्यांनी त्यांच्या प्रतिक्रिया नोंदविल्या.जर थोड्या वेळासाठी श्वसनाचे तंत्र वापरले तर खूपच सकारात्मक बदल जाणवला. आम्ही हे तंत्र कायम वापरू अशी खात्री दिली. या कार्यशाळेसाठी व्यासपीठावर कॅम्पस डायरेक्टर डॉ. एम. ए. चौगुले, प्राचार्य डॉ. व्ही. व्ही. पोतदार हे उपस्थित होते. यावेळी प्राचार्यांनी तणाव व्यवस्थापनावर श्वसनाचे तंत्र हे खूप उपयोगी आहे ते विद्यार्थ्यांनी आत्मसात करावे असे आवाहन केले. सर्वांगीण विकासासाठी आमची संस्था व आमचे अध्यक्ष श्री एस. ए. पाटील व संस्था सचिव शिवानंद पाटील नेहमीच अशा कार्यक्रमांना प्रोत्साहन देत असतात अशी माहिती कॅम्पस डायरेक्टर डॉ. एम. ए. चौगुले यांनी दिली हा कार्यक्रम यशस्वी होण्यासाठी संगिनीच्या प्रा.डी. ए.जव्हेरी, प्रा. एस. के. कोनापुरे प्रा. आर.एस. कटनळळी, प्रा.ए.जी. घाळीमठ यांनी विशेष परिश्रम घेतले व कार्यक्रमाचे सूत्रसंचालन प्रा. एस.एन. कांबळे यांनी केले.
