रोहिणी तडवळकर यांचे नगरसेवकांना विशेष आव्हान..
सोलापूर : सोलापूर महानगरपालिका महापौर व उपमहापौर निवडणूक शुक्रवार दिनांक सहा फेब्रुवारी रोजी सकाळी 11 वाजता होणार आहे त्या अनुषंगाने भारतीय जनता पार्टीच्या वतीने भाजपाच्या नवनिर्वाचित 87 नगरसेवकांची बैठक सारस्वत ब्राह्मण समाज मंगल कार्यालयात आयोजित करण्यात आली होती या बैठकीस शहराध्यक्षा रोहिणी तडवळकर, गटनेते नरेंद्र काळे, महापौर पदाचे उमेदवार विनायक कोंड्याल, उपमहापौर पदाचे उमेदवार ज्ञानेश्वरी देवकर, सरचिटणीस नारायण बनसोडे,महिला मोर्चा अध्यक्ष रंजीता चाकोते, सरचिटणीस सुधा अळ्ळीमोरे आदी उपस्थित होते.
शुक्रवारी होणाऱ्या सर्वसाधारण सभेच्या अनुषंगाने उपस्थित नगरसेवकांना गटनेते नरेंद्र काळे यांनी काही महत्त्वाच्या सूचना केल्या यानंतर आपले मनोगत व्यक्त करताना शहराध्यक्ष रोहिणी तडवळकर यांनी सांगितले की शुक्रवारी सकाळी दहा वाजता महापालिकेतील पक्षनेता कार्यालयात सर्व नगरसेवकांनी उपस्थित राहणे अनिवार्य आहे सभागृहात जाण्या अगोदर पक्षनेते सर्व नगरसेवकांना सभागृहातील कामकाजाविषयी माहिती देतील त्यामुळे सर्व नगरसेवकांनी वेळेवर पक्षनेता कार्यालयात उपस्थित राहावे असे आवाहनही त्यांनी यावेळी केले या बैठकीतच सर्व नगरसेवकांना पक्षाच्या वतीने व्हीप बजावण्यात आला या बैठकीस भाजपाचे सर्व नगरसेवक शहर पदाधिकारी उपस्थित होते.
