सोलापूर:- सोलापूर जिल्ह्यातील सर्व पशुपालक शेतकरी, व सुशिक्षित बेरोजगरांना कळविण्यात येते की, पशुसंवर्धन विभाग,जिल्हा परिषद सोलापूरच्या वतीने सघन कुक्कुट विकास गट, नेहरू नगर सोलापूर येथे 05 दिवसाचे कुक्कुटपालन प्रशिक्षण आयोजित केले असून, दि.24 नोव्हेंबर 2025 ते 28 नोव्हेंबर 2025 प्रशिक्षणाचा कालावधी आहे.
तरी इच्छूक व्यक्तींनी दि. 06 नोव्हेंबर 2025 ते दि.21 नोव्हेंबर 2025 या कालावधीत प्रवेश अर्ज करावेत, विहित कालावधीनंतर अर्ज स्विकारले जाणार नाही. सदर प्रशिक्षणासाठी शैक्षणिक पात्रता किमान 7 वी पास असणे अपेक्षित आहे. प्रशिक्षणासाठी प्रवेश फी सर्व प्रवर्गासाठी 200/- रुपये आकारण्यात येईल, सोबत शाळा सोडल्याचा दाखला, जातीचा दाखला, आधार कार्ड व फोटो इ. कागदपत्रे आवश्यक आहेत. तरी सर्व सुशिक्षित बेरोजगार तरूणांनी, व शेतकऱ्यांनी या सुवर्णंधीचा लाभ घ्यावा असे आवाहन जिल्हा पशुसंवर्धन अधिकारी ,जि.प. डॉ. व्हि.डी. येवले, यांनी केले आहे.
सदर प्रशिक्षणासाठी पशुधन विकास अधिकारी डॉ. एस.एम. बोधनकर यांच्याशी सधन कुक्कुट विकास गट नेहरू नगर ,बी.पी.एङ कालेज जवळ विजापूर रोड येथे संपर्क साधावा.
