सोलापूर : सोलापूर महानगरपालिका निवडणुकीच्या रणसंग्रमास खऱ्या अर्थाने सुरुवात हात आहे. मंगळवारपासून मंगळवारपासून अर्ज देणे व स्वीकारण्याची प्रक्रिया सुरू होत आहे. सार्वत्रिक निवडणूक २०२५ करीता नामनिर्देशन अर्ज दाखल करताना उमेदवारांना महापालिकेकडून विविध ना-हरकत प्रमाणपत्रे (एन ओसी) सादर करणे अनिवार्य आहे. या अनुषंगाने महापालिकेच्या वतीने नॉर्थकोट प्रशाला येथे सुरू करण्यात आलेल्या एक खिडकी कक्षात प्रमाणपत्रासाठी मोठी गर्दी झाल्याचे दिसून आले. पहिल्याच दिवशी ६३० अर्ज दाखल झाले आहे.
सोलापूर महापालिका निवडणुकीसाठी राजकीय पक्षांच्या बैठका सुरू आहेत. अद्याप तरी महायुती किंवा महाआघाडीची अधिकृत घोषणा सुरू झालेली नाही. त्यामुळे मंगळवापासून सुरू होणाऱ्या प्रक्रियेला कितपत प्रतिसाद मिळतो हे सांगणे कठिण आहे. दरम्यान, निवडणूक लढविणाऱ्या उमेदवारांच्या नावावर असलेल्या मालमत्तेसाठी मालमत्ता कराचे ना-हरकत प्रमाणपत्र सादर करणे आवश्यक आहे. हे मिळवण्यासाठी इच्छुकांची धावपळ सुरू झाली आहे. उमेदवाराच्या नावावर गाळा (दुकान)असल्यास त्यासाठी स्वतंत्र ना-हरकत प्रमाणपत्र घ्यावे लागणार असून, खुली जागा असल्यास त्या मिळकतीबाबतही संबंधित विभागाकडून एनओसी सादर करणे बंधनकारक आहे. तसेच उमेदवार व्यवसाय करीत असल्यास, संबंधित व्यवसाय परवाना (लायसन्स) वैध असल्याचे कागदपत्र जोडणे आवश्यक आहे.३१ डिसेंबर रोजी होणार अर्ज छाननी
सोलापूर महापालिका सार्वत्रिक
निवडणुकीसाठी अर्ज देणे व स्वीकारण्याची प्रक्रिया दि. २३ ते ३० डिसेंबर, अर्ज छाननी दि. ३१ डिसेंबर २०२५ असून त्याच दिवशी वैध उमेदवारांची यादी प्रसिद्ध करण्यात येईल. उमेदवारांना अर्ज मागे घेण्यासाठी दिनांक २ जानेवारीपर्यंत मुदत राहणार आहे. दिनांक ३ जानेवारी रोजी निवडणूक चिन्ह वाटप करण्यात येईल. याच दिवशी अंतिम उमेदवार यादी प्रसिद्ध करण्यात येणार आहे. मतदान १५ जानेवारी रोजी होणार आहे. दुसऱ्या दिवशीच १६ जानेवारी २०२६ रोजी मतमोजणी व निकाल घोषित करण्यात येणार आहे.
