सोलापूर : ए. जी. पाटील पॉलिटेक्निक, सोलापूर (महाराष्ट्र) येथे “Annum 2K26 – A National Level Technical Paper Presentation” हा राष्ट्रीय स्तरावरील तांत्रिक शोधनिबंध सादरीकरण कार्यक्रम तसेच विविध विभागांमार्फत राज्यस्तरीय तांत्रिक स्पर्धांचे भव्य आयोजन अत्यंत उत्साहात व दिमाखात पार पडले. हा उपक्रम Indian Institute of Production Engineers (IIPE), बेंगळुरू यांच्या सहकार्याने आयोजित करण्यात आला होता. कार्यक्रमाची सुरुवात दीपप्रज्वलन व सरस्वती पूजनाने झाली. मान्यवरांच्या स्वागतानंतर संस्थेचे प्राचार्य डॉ. एम. ए. चौगुले यांनी प्रास्ताविकात कार्यक्रमाचे उद्दिष्ट स्पष्ट करताना विद्यार्थ्यांमध्ये संशोधनवृत्ती, सादरीकरण कौशल्य व उद्योगाभिमुख दृष्टीकोन विकसित करण्यासाठी अशा उपक्रमांचे महत्त्व अधोरेखित केले.
राष्ट्रीय स्तरावरील “Annum 2K26” :या राष्ट्रीय शोधनिबंध स्पर्धेस देशातील विविध तांत्रिक संस्थांकडून उत्स्फूर्त प्रतिसाद मिळाला. स्पर्धेस एकूण १४६ शोधनिबंध नोंदी प्राप्त झाल्या. ऑनलाइन व ऑफलाइन माध्यमातून मिळून २९२ विद्यार्थ्यांनी सहभाग नोंदविला. महाराष्ट्र, कर्नाटक आणि तेलंगणा या राज्यांतील विद्यार्थ्यांनी आधुनिक तंत्रज्ञान, उत्पादन अभियांत्रिकी, यांत्रिकी प्रणाली, स्मार्ट मॅन्युफॅक्चरिंग, सिव्हिल इन्फ्रास्ट्रक्चर, इलेक्ट्रिकल पॉवर सिस्टिम्स, एम्बेडेड सिस्टिम्स, कृत्रिम बुद्धिमत्ता, डेटा अॅनालिटिक्स, ऑटोमेशन व रोबोटिक्स आदी विषयांवर संशोधनपर शोधनिबंध सादर केले
समारोप प्रसंगी उत्कृष्ट सादरीकरण करणाऱ्या विद्यार्थ्यांना पारितोषिके, प्रमाणपत्रे व स्मृतिचिन्हे प्रदान करण्यात आली. सर्व मान्यवरांनी संस्थेच्या उपक्रमाचे कौतुक करून भविष्यातही अशा राष्ट्रीय व राज्यस्तरीय तांत्रिक कार्यक्रमांचे सातत्य राखण्याचा विश्वास व्यक्त केला. “Annum 2K26” व विभागीय राज्यस्तरीय स्पर्धांमुळे विद्यार्थ्यांना संशोधन, नवोपक्रम आणि तांत्रिक कौशल्य प्रदर्शित करण्यासाठी एक प्रभावी व्यासपीठ उपलब्ध झाले असून, हा उपक्रम संस्थेच्या शैक्षणिक व तांत्रिक परंपरेतील एक महत्त्वपूर्ण टप्पा ठरला आहे.
कार्यक्रमाचे संयोजक म्हणून नरोटे यांनी राष्ट्रीय स्तरावरील कार्यक्रमाचे प्रभावी नियोजन केले, तर बोगा यांनी राज्यस्तरीय कार्यक्रमांचे यशस्वी समन्वयन केले. कार्यक्रमाचे सुत्रसंचालन. गवंडी यांनी अत्यंत प्रभावी आणि ओघवत्या शैलीत केले.
