सोलापूर जिल्हा परिषद प्रशासनाचा कर्मचाऱ्यांसाठी मोठा निर्णय; सीईओ कुलदीप जंगम यांचा कर्मचाऱ्यांना दिलासा
सोलापूर ; जिल्हा परिषद सामान्य प्रशासन विभागामार्फत वाहन चालक व परिचर कर्मचाऱ्यांना सातव्या वेतन आयोगानुसार तीन लाभांच्या सुधारित सेवांतर्गत आश्वासित प्रगती योजनेअंतर्गत दि.10.03.2026 रोजी मुख्य कार्यकारी अधिकारी कुलदीप जंगम यांनी एकूण 90 कर्मचाऱ्यांना लाभ दिलेला आहे. त्यापैकी वाहन चालकांमध्ये पहिल्या लाभासाठी 03, तिसऱ्या लाभासाठी 01 व परिचर कर्मचाऱ्यांमध्ये पहिल्या लाभासाठी 42, दुसऱ्या लाभासाठी 29 तर तिसऱ्या लाभासाठी 15 कर्मचारी अशा एकूण 90 कर्मचाऱ्यांना लाभाचे आदेश देणेत आलेले आहेत. त्यामुळे वाहन चालक व परिचर संवर्गातील कर्मचाऱ्यांमध्ये आनंदाने वातावरण निर्माण झालेले आहे.
आश्वासित प्रगती योजना लाभ देण्यासाठी प्रशासन विभागाच्या उपमुख्य कार्यकारी अधिकारी स्मिता पाटील व प्रशासन विभागातील सहायक प्रशासन अधिकारी अविनाश गोडसे, कनिष्ट प्रशासन अधिकारी सचिन साळुंखे, प्रदिप सगट, कनिष्ठ सहाय्यक अरविंदकुमार सोनवणे यांनी परिश्रम घेतले सातव्या वेतन आयोगानुसार तीन लाभांच्या सुधारित सेवांतर्गत आश्वासित प्रगती योजनेअंतर्गत प्रक्रिया पार पडल्यामुळे सीईओ कुलदीप जंगम, उपमुख्य कार्यकारी अधिकारी स्मिता पाटील या सर्वाचे सर्व संघटनेकडून अभिनंदन होत आहे.
