सोलापूर: सोलापूर जिल्हा परिषदेच्या कारभारात ताकद वाढवण्यासाठी आणि पक्षीय धोरणे अधिक प्रभावीपणे मांडण्यासाठी महत्त्वाच्या नियुक्त्या जाहीर करण्यात आल्या आहेत. यामध्ये करमाळ्याच्या प्रस्थापित नेत्या रश्मी बागल यांची गटनेतेपदी निवड करण्यात आली असून, पक्षाने त्यांच्या अनुभवावर विश्वास दाखवला आहे. या निवडीमुळे जिल्ह्याच्या विविध भागांतून प्रतिनिधित्व देण्याचा प्रयत्न पक्षाने केल्याचे दिसून येते.
करमाळा, मंगळवेढा, सांगोला आणि दक्षिण सोलापूर यांसारख्या महत्त्वाच्या तालुक्यांतील नेत्यांना जबाबदारी दिल्याने आगामी काळातील राजकीय समीकरणे बदलण्याची शक्यता वर्तवली जात आहे. रश्मी बागल यांच्याकडे सोपवलेली गटनेतेपदाची जबाबदारी महत्त्वपूर्ण मानली जात आहे. पक्षाच्या ध्येयधोरणांना जिल्हा परिषदेत गती देण्यासाठी हे नवे नेतृत्व कशा प्रकारे काम करते, याकडे आता सर्वांचे लक्ष लागले आहे. या सर्व नवनियुक्त पदाधिकाऱ्यांचे कार्यकर्त्यांकडून अभिनंदन केले जात आहे.
- गटनेते: रश्मी बागल (करमाळा)
- उपनेते: प्रदीप खांडेकर (मंगळवेढा)
- प्रतोद: चेतनसिंह केदार (सांगोला)
- प्रवक्ता: नेताजी खंडागळे (दक्षिण सोलापूर)
