सोलापूर: सोलापूर जिल्हा परिषदेच्या रिक्त असलेल्या अध्यक्ष आणि उपाध्यक्ष पदांच्या निवडीसाठीचा अधिकृत निवडणूक कार्यक्रम आज जाहीर करण्यात आला आहे. ही निवड प्रक्रिया जिल्हा परिषदेच्या विशेष सभेमध्ये पार पडणार असून, यासाठी प्रशासनाकडून जय्यत तयारी करण्यात आली आहे.
या वेळचे अध्यक्षपद हे ‘नागरिकांचा मागास प्रवर्ग’ (OBC) साठी आरक्षित करण्यात आले आहे.जिल्हा परिषदेच्या या महत्त्वाच्या निवडीकडे संपूर्ण जिल्ह्याचे लक्ष लागले असून, लोकशाही मार्गाने आणि पारदर्शक पद्धतीने ही प्रक्रिया पार पडेल, असे प्रशासनातर्फे कळवण्यात आले आहे.
