सोलापूर : महाराष्ट्र राज्य उच्च माध्यमिक शिक्षण मंडळातर्फे घेण्यात आलेल्या बारावीच्या परीक्षेत ‘ए. डी. जोशी ज्युनिअर कॉलेज’ने १०० टक्के निकालाची आपली उज्ज्वल परंपरा यंदाही कायम राखली आहे.
यासोबतच ‘कै. अलकनंदा जोशी ज्युनिअर कॉलेज’चा निकालही १०० टक्के लागला आहे.ए. डी. जोशी महाविद्यालयातून ऋतुजा राजू निमगिरे हिने ८७.०० टक्के गुण मिळवून प्रथम क्रमांक पटकावला. जय शिवशरण मुळगे (८५.६७%) द्वितीय, नचिकेत उमेश बाबानगरे (८४.६७%) तृतीय, प्रांजली भैरू माळी (८४.५०%) चौथी, तर राहिन बजलूर रेहमान शेख (८३.६७%) हिने पाचवा क्रमांक मिळवला.तसेच अनुष्का कृष्णा रेड्डी (८२.३३%), नेहा विशाल परदेशी (८१.१७%) आणि मृण्मयी प्रमोद कुलकर्णी (८०.००%) यांनीही यश मिळवले.
सर्व गुणवंत विद्यार्थ्यांचे संस्थेचे अध्यक्ष प्रा. ए. डी. जोशी, सचिव अमोल जोशी, सायली जोशी, प्राचार्य प्रवीण देशपांडे आणि सर्व शिक्षकवृंदांनी विशेष कौतुक केले. यशस्वी विद्यार्थ्यांचा महाविद्यालयाच्या वतीने सत्कार करण्यात आला. यावेळी पालक उपस्थित होते.
