सांगोला: सांगोला विद्यामंदिर प्रशालेच्या कस्टडी रूममधून इयत्ता १० वी बोर्डाचे पेपर चोरीला गेल्याची खळबळजनक घटना उघडकीस आली होती. या गुन्ह्याचा छडा लावण्यात सांगोला पोलिसांना यश आले असून, एका अल्पवयीन मुलाला या प्रकरणी ताब्यात घेण्यात आले आहे.
१७ मार्च रोजी सांगोला विद्यामंदिर प्रशालेतील कस्टडी रूममधून अज्ञात इसमाने १० वी बोर्डाचे पेपर चोरले होते. याप्रकरणी सांगोला पोलीस ठाण्यात भारतीय न्याय संहिता २०२३ आणि महाराष्ट्र विद्यापीठाच्या गैरप्रकार प्रतिबंधक अधिनियमान्वये सांगोला पोलीस ठाण्यात गुन्हा दाखल करण्यात आला होता.गुन्ह्याचे गांभीर्य ओळखून सांगोला पोलीस आणि स्थानिक गुन्हे शाखा (LCB), सोलापूर ग्रामीण यांच्या पथकाने तातडीने तपास सुरू केला. गोपनीय माहिती आणि तांत्रिक पुराव्यांच्या आधारे पोलिसांनी संशयित अल्पवयीन मुलाचा शोध लावला.
पालकांच्या उपस्थितीत चौकशी केली असता, त्याने हा गुन्हा केल्याची कबुली दिली.या मध्ये चोरीला गेलेल्या १० वी बोर्डाच्या प्रश्नपत्रिका., तीन कोऱ्या उत्तरपत्रिका., गुन्ह्यात वापरलेले इलेक्ट्रिक कटर. इलेक्ट्रिक मोटार सायकल. असे साहित्य जप्त करण्यात आली.
