सोलापूर : सोलापूर शहरात एक धक्कादायक आणि रहस्यमय घटना समोर आली आहे. एमआयडीसी पोलीस ठाण्याच्या हद्दीत राहत्या घरात पती-पत्नीचे मृतदेह आढळले आहेत. सोमनाथ धानोप्पा पाटील (वय ४०) आणि श्रीदेवी सोमनाथ पाटील (वय ३५, दोन्ही रा. कलावती नगर, एमआयडीसी पोलीस ठाणे हद्द, सोलापूर) अशी मृतांची नावे आहेत. हे पती-पत्नी रात्री आपल्या दोन मुलींसह जेवण करून झोपी गेले होते. शुक्रवारी सकाळी दोघांच्याही तोंडातून फेस येत असल्याचे दिसून आले.
आई-वडील उठत नाहीत आणि त्यांच्या तोंडाला फेस आला आहे, हे पाहून दोन्ही मुली घाबरल्या. त्यांनी तातडीने आपल्या काकांना फोन करून या घटनेची माहिती दिली. काकांनी भाऊ आणि भावजयीला तातडीने शासकीय रुग्णालयात दाखल केले, मात्र डॉक्टरांनी त्यांना मृत घोषित केले.
पती-पत्नीने आत्महत्या केली की हा घातपात आहे.? : याबाबत पोलिसांनी तपास सुरू केला आहे.शुक्रवारी सकाळी बेशुद्ध अवस्थेत आढळले. सोलापूर शहरातील कलावती नगर भागात ही धक्कादायक घटना घडली. सोमनाथ पाटील आणि श्रीदेवी पाटील हे मूळचे शिरवण (ता. दक्षिण सोलापूर) येथील रहिवासी होते, मात्र सध्या ते कलावती नगर येथे राहत होते. शुक्रवारी, २७ फेब्रुवारी २०२६ रोजी सकाळी सहाच्या सुमारास हे दोघे बेशुद्ध अवस्थेत आढळले. तोंडातून फेस येत असल्याने त्यांना तातडीने श्री छत्रपती शिवाजी महाराज सर्वोपचार रुग्णालयात दाखल करण्यात आले. मात्र, उपचारापूर्वीच दोघांचा मृत्यू झाल्याचे डॉक्टरांनी जाहीर केले.
मुलींनी काकांना केला फोन: घटनेच्या वेळी मृत पती-पत्नीसोबत त्यांच्या दोन मुली घरात होत्या. आई-वडील उठत नाहीत आणि त्यांच्या तोंडाला फेस आला आहे, हे दृश्य पाहून मुलींनी तातडीने काकांना फोन केला. काकांनी तात्काळ घटनास्थळी धाव घेत दोघांना रुग्णालयात नेले, पण उशीर झाला होता.सोमनाथ पाटील यांचा पूर्वी कुक्कुटपालनाचा व्यवसाय होता, त्यानंतर त्यांनी घरातच किराणा दुकान सुरू केले होते. पती-पत्नी दोघे मिळून हे दुकान चालवत असत.
