सोलापूर : सालाबादप्रमाणे बाळे येथील श्री खंडोबा देवाची यात्रा मार्गशिर्ष शुध्द चंपाषष्टी बुधवार दि.२६/११/२०२५ पासून सुरु होत असून रविवार दि.३० नोव्हेंबर २०२५, दि.०७ डिसेंबर २०२५, दि.१४ डिसेंबर २०२५ या तीन रविवारी असे एकूण चार दिवस खंडोबा देवाची यात्रा भरते व यात्रेत दर्शनासाठी लाखो भाविक महाराष्ट्र, कर्नाटक व आंध्र या तीन राज्यातून दर्शनासाठी येत असतात.
तसेच रात्री ठिक ८.०० वा. श्री. खंडोबा देवाची पालखी व विद्युत रोशनाईने सजविलेले सोलापूरात आलेले मानाचे नंदिध्वज यांची मिरवणूक पाहण्याकरीता भरपूर लोकांची गर्दी होत असते. तसेच यात्रा कालावधीत श्री ची पहाटे ५.०० वाजता काकड आरती व सकाळी ठिक ८.०० वा. व रात्री ७.०० वा. दोन वेळा महापूजा अभिषेक करण्यात येते. तसेच दिवसभर जागरण गोंधळ, वाघ्यामुरळी नाचणे, तळी भंडारा उचलणे, वारू सोडणे, नवस फेडणे, जावळ काढणे, इत्यादी विधीचे कार्यक्रम होत असतात. तसेच भाविक यात्रेकरूंच्या दर्शनाच्या सोयीसाठी चोख पोलिस बंदोबस्त व सोलापूर महानगरपालिकेकडून सिटी बस सेवा व पाण्याची सोय केली आहे.
देवस्थान ट्रस्टीचे चेअरमन विनय विजय ढेपे, सचिव सागर चंद्रकांत पुजारी, उपाध्यक्ष सुरेश पांडूरंग पुजारी, सदस्य आदिनाथ मल्हारी पुजारी, सदस्य कल्लेश्वर रमेश पुजारी व समस्त पुजारी मंडळी यात्रा कालावधीत भाविक यात्रेकरूंच्या दर्शनांच्या व विविध विधीच्या कार्यक्रमासाठी संपूर्ण दिवसभर सहभागी होऊन यात्रेचे व्यवस्थितरित्या नियोजन करित असतात तसेच पौष शु. षष्टी बांगरषष्ठी वार शुक्रवार दि.२६/१२/२०२५ रोजी महाप्रसाद वाटप करून सर्व पाटील, तोडकरी, कांबळे, सुरवसे व गावडे इत्यादी मानकरी व भाविक यात्रेकरू यांना प्रसाद वाटप करून यात्रेची सांगता केली जाते.
श्री खंडोबा देवस्थान बाळे यात्रा उत्सव यात्रा कालावधीत दैनंदिन पुजा अर्चा धार्मिक विधी व पालखी सोहळा कार्यक्रम
