आमदार सचिन कल्याणशेट्टी यांचे विशेष प्रयत्न
अक्कलकोट ; अक्कलकोट विधानसभा मतदार संघातील विविध विकासकामांना चालना देण्यासाठी राज्य शासनाने तब्बल ₹२५ कोटींचा निधी मंजूर केला आहे. या निधीतून तालुक्यातील रस्ते, पूल तसेच पायाभूत सुविधांच्या कामांना गती मिळणार असून नागरिकांना मोठा दिलासा मिळणार आहे.
या निधीसाठी अक्कलकोट विधानसभा मतदारसंघाचे आमदार सचिन कल्याणशेट्टी यांनी सातत्याने पाठपुरावा केला होता. राज्याच्या अर्थसंकल्पात मुख्यमंत्री देवेंद्र फडणवीस यांनी ‘विकसित महाराष्ट्र या संकल्पनेच्या अनुषंगाने विविध विकासकामाना प्राधान्य देत निधीची तरतूद केली आहे. या २५ कोटी रुपयांचा निधीतून तालुक्यातील महत्त्वाच्या रस्त्यांचे मजबुतीकरण, पूल बांधकाम तसेच काही ठिकाणी रस्ते दुरुस्ती व सुधारणा केली जाणार आहे. ग्रामीण भागातील वाहतूक सुलभ होणार असून शेतकरी, व्यापारी व नागरिकांना मोठा फायदा होणार आहे. आमदार सचिन कल्याणशेट्टी यांनी राज्य शासनाकडे सातत्याने पाठपुरावा करत हा निधी मंजूर करून घेतल्याने तालुक्यातील विकासकामांना गती मिळणार असल्याची प्रतिक्रिया नागरिकांतून व्यक्त होत आहे.
निधीमुळे अक्कलकोट विधानसभा मतदार संघातील पायाभूत सुविधा मजबूत होऊन ‘विकसित अक्कलकोट विकसित महाराष्ट्र’ या संकल्पनेला बळ मिळणार असल्याचे मत माजी उपसरपंच तथा जिल्हा वीट उत्पादक संघटनेचे जिल्हा उपाध्यक्ष विजयकुमार शबाशे व्यक्त केले आहे.
