सोलापूर: सोलापूर जिल्हा परिषदेचे शिक्षण सभापती चेतनसिंह केदार यांचा माध्यमिक शिक्षणाधिकारी सचिन जगताप यांच्या वतीने नुकताच शुभेच्छा सत्कार करण्यात आला. जिल्हा परिषदेच्या शिक्षण विभागातील विविध प्रलंबित प्रश्न आणि शैक्षणिक गुणवत्ता वाढीसाठी सभापतींनी घेतलेल्या पुढाकाराबद्दल हा सन्मान करण्यात आला.
शिक्षणाचा दर्जा उंचावण्यासाठी विशेष चर्चा करण्यात आली यावेळी सत्काराच्या या छोटेखानी कार्यक्रमानंतर जिल्हा परिषदेतील शिक्षण विभागाच्या कामकाजाचा आढावा घेण्यात आला. यावेळी सभापती चेतनसिंह केदार यांनी जिल्ह्यातील माध्यमिक शाळांमधील सोयी-सुविधा, शिक्षकांच्या रिक्त जागा आणि विद्यार्थ्यांच्या शैक्षणिक प्रगतीवर विशेष भर देण्याच्या सूचना दिल्या.माध्यमिक शिक्षणाधिकारी सचिन जगताप यांनी पुष्पगुच्छ देऊन सभापतींचे स्वागत केले.
यावेळी शिक्षण विभागातील अन्य अधिकारी आणि कर्मचारी उपस्थित होते. “जिल्ह्यातील शिक्षण व्यवस्था अधिक बळकट करण्यासाठी आणि विद्यार्थ्यांना गुणवत्तापूर्ण शिक्षण देण्यासाठी प्रशासन व पदाधिकारी मिळून काम करतील,” असा विश्वास सचिन जगताप यांनी यावेळी व्यक्त केला.
