सलग १० वर्षांपासून चैत्र पौर्णिमेनिमित्त फुलांची सजावट व नोटांच्या हाराची सेवा अर्पण
येरमाळा/बार्शी: चैत्र पौर्णिमेच्या शुभ मुहूर्तावर येरमाळा येथील कुलस्वामिनी आई येडेश्वरी देवीच्या चरणी बार्शी येथील प्रसिद्ध फुल विक्रेते सोमनाथ राऊत यांनी आपली सलग १० व्या वर्षाची सेवा अत्यंत भक्तीभावाने अर्पण केली. प्रतिवर्षाप्रमाणे यंदाही देवीचा गाभारा आणि मंदिर परिसर विविध देशी-विदेशी फुलांनी सजवण्यात आला होता.
५० किलो फुलांचा वापर आणि विशेष या पुष्पसेवेसाठी सुमारे ५० किलो वजनाच्या विविध फुलांचा वापर करण्यात आला. यामध्ये प्रामुख्याने जरबेरा, सूर्यफूल यांसारखी आकर्षक फुले. कामेनी आणि प्रिंगर यांसारख्या शोभिवंत पानांचा वापर करून नयनरम्य सजावट करण्यात आली.यंदाच्या सेवेचे मुख्य आकर्षण म्हणजे सोमनाथ राऊत यांनी देवीला अर्पण केलेला नोटांचा हार. भक्तांच्या आकर्षणाचे केंद्र ठरलेला हा हार आणि फुलांची सजावट पाहण्यासाठी भाविकांनी मोठी गर्दी केली होती.
सहकाऱ्यांचे योगदान:ही सेवा पूर्ण करण्यासाठी सोमनाथ राऊत यांना बापू अन्नदाते, निलेश अन्नदाते, उमेश राजपूत, सोनू हाजगुडे, यश जैन आणि ओंकार धुधळ या सहकाऱ्यांचे मोलाचे सहकार्य लाभले. गेल्या दशकापासून सोमनाथ राऊत हे नित्यनियमाने चैत्र पौर्णिमेला येरमाळा येथे येऊन आई येडेश्वरीची सेवा करत आहेत.आई येडेश्वरीवरील श्रद्धेपोटी आणि जनसामान्यांच्या कल्याणासाठी ही पुष्पसेवा करत असल्याचे सोमनाथ राऊत यांनी यावेळी सांगितले. या सुंदर सजावटीमुळे मंदिर परिसराचे सौंदर्य अधिकच खुलून दिसले असून भाविकांकडून या कार्याचे कौतुक होत आहे.
