महापालिका आयुक्त डॉ. सचिन ओम्बासे यांनी दिले आदेश
सोलापूर : महानगरपालिका परिसरातील वाहनांच्या वाढत्या गर्दीला आळा घालण्यासाठी प्रशासनाने पार्किंगसाठी रंग-कोड आधारित नवी शिस्त लागू केली आहे. यामुळे विविध घटकांसाठी स्वतंत्र पार्किंग झोन निश्चित करण्यात आले असून, परिसरातील अनियमित पार्किंगला मोठा प्रतिबंध बसणार आहे, या संदर्भात महापालिका आयुक्त डॉ. सचिन ओम्बासे यांनी आदेश दिले आहेत.
शहरासह जिल्ह्यातून मोठ्या प्रमाणावर नागरिक महापालिकेत येत असल्याने परिसरात वाहने अस्ताव्यस्त लावली जात होती. या पार्श्वभूमीवर प्रशासनाने अधिकारी, पदाधिकारी, कर्मचारी, पत्रकार आणि नागरिक यांच्यासाठी स्वतंत्र पार्किंग व्यवस्था निश्चित केली आहे.या नव्या नियोजनानुसार वाहनतळांवर सीसीटीव्ही कॅमेरे बसविणे, सुरक्षारक्षकांची नियुक्ती करणे तसेच प्रत्येक वाहनाला क्यू आर कोड देण्याचा निर्णय महापालिका आयुक्तांनी घेतला आहे. संबंधित विभागांनी याची काटेकोर अंमलबजावणी करण्याच्या सूचना दिल्या आहेत.महापालिकेचा परिसर अधिक शिस्तबद्ध, सुरक्षित आणि नागरिकाभिमुख करण्यासाठी हा निर्णय महत्त्वाचा ठरणार आहे. - पार्किंग रंग-कोड राहणार याप्रमाणे –
- तपकिरी -:
प्रशासकीय अधिकारी (आयुक्त ते इतर वरिष्ठ अधिकारी)
ठिकाण : मुख्य इमारतीच्या उजव्या बाजूला (चारचाकी) - नारंगी :-:
पदाधिकारी, नगरसेवक व पत्रकार
ठिकाण : कौन्सिल हॉल परिसर (चारचाकी व दुचाकी) - आकाशी निळा -:
महानगरपालिका अधिकारी
ठिकाण : मागील बाजूस (ICCC शेजारील जागा) (दुचाकी व चारचाकी) - जांभळा -:
नगर अभियंता, पीडब्ल्यूडी व इतर विभाग कर्मचारी
ठिकाण : नगर अभियंता स्टोअर (दुचाकी) - हिरवा -:
लेखा विभाग, अंतर्गत व मुख्य लेखापरीक्षक कार्यालय, सामान्य प्रशासन विभाग
ठिकाण : ICCC पार्किंग (दुचाकी) - नागरिकांसाठी स्वतंत्र झोन -:
ठिकाण : हुतात्मा स्मृती मंदिर व मागील परिसर (ICCC शेजारी) दुचाकी व चारचाकी
