सोलापूर : पद्मशाली शिक्षण संस्था संचलित सौ. भू. म. पुल्ली कन्या प्रशालेचा मार्च २०२६ इयत्ता दहावीचा निकाल ९८.५४ टक्के लागला आहे. २७५ पैकी २७१ विद्यार्थीनींनी यश संपादन केले. त्यापैकी ७८ विद्यार्थीनींनी विशेष प्राविण्य मिळवले, तर १०६ विद्यार्थीनी प्रथम श्रेणीत उत्तीर्ण झाल्या. दिव्या आबासाहेब जाधव या शेतकरी कुटुंबातील विद्यार्थिनीने ९५ टक्के गुण मिळवून प्रशालेत प्रथम क्रमांक पटकावला. श्रद्धा नामदेव मोगलगिद्दी हिने ९४.२० टक्के गुणांसह द्वितीय क्रमांक, तर श्रावणी कृष्णाहरी कळसकर हिने ९३.४० टक्के गुण मिळवून तृतीय क्रमांक प्राप्त केला. घरच्या बिकट परिस्थितीवर मात करून यश मिळविणाऱ्या यशस्वी विद्यार्थीनी व त्यांच्या पालकांचा पद्मशाली शिक्षण संस्थेचे खजिनदार गोवर्धन कमटम आणि विश्वस्त श्रीधर चिट्याल यांच्या हस्ते सत्कार करण्यात आला.
विद्यार्थिनींच्या घवघवीत यशाबद्दल संस्थेचे अध्यक्ष अॅड. श्रीनिवास क्यातम, उपाध्यक्ष प्रा. श्रीनिवास कोंडी, सचिव दशरथ गोप, सहसचिव मल्लिकार्जुन सरगम, शालेय समिती अध्यक्ष विजयकुमार गुल्लापल्ली तसेच विश्वस्त मंडळ यांनी अभिनंदन केले. मुख्याध्यापिका गीता सादुल, उपमुख्याध्यापक तुकाराम श्रीराम, पर्यवेक्षक परमेश्वर बाबळसुरे आणि सर्व शिक्षकांच्या योग्य मार्गदर्शनामुळे उज्ज्वल यशाची परंपरा कायम राखता आल्याची भावना विद्यार्थीनी आणि पालकांनी व्यक्त केली.
