राजकीय, प्रशासकीय व सामाजिक क्षेत्रातील मान्यवरांची उपस्थिती
सोलापूर ; महाराष्ट्र गृहनिर्माण सल्लागार समितीचे अध्यक्ष तथा महाराष्ट्र गृहनिर्माण विकास महामंडळाचे कॅबिनेट मंत्री दर्जाचे माजी सहअध्यक्ष आणि भाजप नेते राजेंद्र मिरगणे यांचे अभियंता पुत्र प्रतीक मिरगणे यांच्या विवाह स्वागत समारंभास मुख्यमंत्री देवेंद्र फडणवीस यांनी उपस्थित राहून नववधू-वरांना शुभाशीर्वाद दिले. मुंबईतील वरळी येथील ‘द पॅलेस हॉल’मध्ये हा भव्य स्वागत समारंभ पार पडला. प्रतीक मिरगणे यांचा विवाह बीड जिल्ह्यातील माजलगाव कृषी उत्पन्न बाजार समितीचे सभापती जयदत्त नरवडे यांच्या सुविद्य कन्या प्रतीक्षा नरवडे यांच्यासोबत संपन्न झाला.
या समारंभास जलसंपदा मंत्री राधाकृष्ण विखे पाटील, सांस्कृतिक मंत्री आशिष शेलार, ग्रामविकास मंत्री गिरीश महाजन, नगरविकास राज्यमंत्री माधुरी मिसाळ, विधानसभेच्या उपसभापती डॉ. नीलम गोऱ्हे, आमदार उत्तम जानकर, आमदार सचिन कल्याणशेट्टी, आमदार राजुमामा भोळे, आमदार मंगेश चव्हाण, आमदार विक्रांत पाटील, माजी खासदार संजीव नाईक, माजी आमदार संदीप नाईक यांच्यासह अनेक मान्यवर उपस्थित होते.
तसेच नवी मुंबई महानगरपालिका आयुक्त कैलास शिंदे, परिवहन आयुक्त राजेश नार्वेकर, ठाकरे गटाचे नेते हर्षल प्रधान, राज्य शिखर बँकेचे अविनाश महागावकर, रोहयो समितीचे अध्यक्ष शहाजीराव पवार, नगरविकास खात्याचे अवर मुख्य सचिव असीम गुप्ता, सनदी अधिकारी लक्ष्मीनारायण मिश्रा, उद्योजक पृथ्वीराज कोठारी, उद्योजक राम जगदाळे, पोलीस अधिकारी शिरीष पवार, ज्येष्ठ पत्रकार अतुल कुलकर्णी, निलेश खरे, विनोद राऊत, महेश म्हात्रे यांच्यासह विविध क्षेत्रातील मान्यवर मोठ्या संख्येने उपस्थित होते.
