स्पोर्ट्स परफॉर्मन्स, फिटनेस चॅलेंजेस, फिजिओथेरपी सत्रांसह विविध उपक्रमांचे आयोजन
सोलापूर ; शहरात प्रथमच फिजिओथेरपी , फिटनेस आणि क्रीडा क्षेत्राचा संगम घडवून आणणाऱ्या ‘मोशन फेस्ट २०२६’ या भव्य उपक्रमाचे आयोजन ३१ मे २०२६ रोजी करण्यात आले आहे. ‘सोलापूर बिगेस्ट फिजिओथेरपी अँड स्पोर्ट्स इव्हेंट’ म्हणून ओळखल्या जाणाऱ्या या महोत्सवाकडे क्रीडापटू, फिटनेसप्रेमी, जिम प्रशिक्षक, विद्यार्थी आणि आरोग्याबाबत जागरूक नागरिकांचे लक्ष लागले आहे.
- ‘मूव्ह बेटर, परफॉर्म बेटर, लाईव्ह बेटर’ या संकल्पनेवर आधारित या महोत्सवाचे आयोजन ‘ट्रेन विथ फिजिओ’ यांच्या वतीने करण्यात आले असून ‘आत्मन योगा अँड स्पोर्ट्स अकॅडमी’ प्रस्तुत हा उपक्रम होणार आहे. आधुनिक जीवनशैलीमुळे वाढणाऱ्या शारीरिक तक्रारी, क्रीडा दुखापती आणि फिटनेसबाबत जागरूकता निर्माण करण्यासाठी हा उपक्रम महत्त्वपूर्ण ठरणार असल्याचे आयोजकांनी सांगितले.
या महोत्सवात तज्ज्ञ फिजिओथेरपिस्ट आणि प्रशिक्षकांकडून विशेष मार्गदर्शन केले जाणार आहे. सहभागींसाठी फिजिओथेरपी तपासणी, स्पोर्ट्स परफॉर्मन्स ड्रिल्स, फंक्शनल फिटनेस चॅलेंजेस, इन्ज्युरी प्रिव्हेन्शन आणि रिकव्हरी सेशन्स यांचे आयोजन करण्यात आले आहे. याशिवाय आरोग्यदायी जीवनशैली, शरीराची योग्य हालचाल, व्यायामातील तंत्र आणि फिटनेसचे महत्त्व यावरही मार्गदर्शन होणार आहे. कार्यक्रमात विविध मनोरंजक स्पर्धा, गट उपक्रम, नेटवर्किंग आणि शिक्षणपर सत्रे आयोजित करण्यात येणार असून सहभागींसाठी आकर्षक बक्षिसे आणि भेटवस्तूंचीही व्यवस्था करण्यात आली आहे. विशेषतः युवा वर्ग आणि क्रीडा क्षेत्रातील विद्यार्थ्यांसाठी हा उपक्रम प्रेरणादायी ठरणार असल्याचे आयोजकांचे म्हणणे आहे.
सोलापुरात फिटनेस आणि स्पोर्ट्स क्षेत्रात नव्या संकल्पना रुजविण्याच्या उद्देशाने हा उपक्रम राबविण्यात येत असून शहरातील विविध जिम, स्पोर्ट्स अकॅडमी आणि आरोग्य क्षेत्रातील तज्ज्ञ यामध्ये सहभागी होणार आहेत. शरीर सुदृढ ठेवण्यासाठी योग्य व्यायाम, फिजिओथेरपी आणि सक्रिय जीवनशैली किती महत्त्वाची आहे, याची जनजागृती या माध्यमातून केली जाणार आहे.कार्यक्रमासाठी इच्छुकांनी आगाऊ नोंदणी करण्याचे आवाहन आयोजकांनी केले आहे. अधिक माहितीसाठी ९०६७९१४१५९, ९६९९२०८४८० आणि ९२७२३२६३६९ या क्रमांकांवर संपर्क साधावा, असे आवाहन करण्यात आले आहे.
चौकट : ‘मोशन फेस्ट २०२६’मध्ये काय असणार?
- तज्ज्ञ फिजिओथेरपी सत्रे
- स्पोर्ट्स परफॉर्मन्स ड्रिल्स
- फंक्शनल फिटनेस चॅलेंजेस
- इन्ज्युरी प्रिव्हेन्शन आणि रिकव्हरी मार्गदर्शन
- फिटनेस स्पर्धा व मनोरंजनात्मक उपक्रम
- नेटवर्किंग आणि शिक्षणपर सत्रे
- आकर्षक बक्षिसे व भेटवस्तू
