सोलापूर : शहर पोलीस दलात अनेक वर्षे कर्तव्यनिष्ठपणे सेवा बजावल्यानंतर मे २०२६ महिन्यात सेवानिवृत्त होणाऱ्या पोलीस अधिकारी व अंमलदारांचा सन्मान करण्यासाठी पोलीस आयुक्त कार्यालय, सोलापूर शहर यांच्या वतीने विशेष सेवानिवृत्ती सत्कार समारंभाचे आयोजन करण्यात आले आहे. हा कार्यक्रम दि. ३० मे २०२६ रोजी सायंकाळी ६ वाजता पोलीस आयुक्त कार्यालय, तळमजला, सोलापूर शहर येथे पार पडणार आहे.
या कार्यक्रमात विविध शाखांमध्ये सेवा बजावून सेवानिवृत्त होणाऱ्या अधिकारी व कर्मचाऱ्यांचा शाल, श्रीफळ, पुष्पगुच्छ, सन्मानचिन्ह व शुभेच्छा देऊन गौरव करण्यात येणार आहे.
कार्यक्रमात सहाय्यक पोलीस आयुक्त राजन आवाजी माने, पोलीस निरीक्षक तानाजी भिवा दराडे, पोलीस उपनिरीक्षक प्रकाश रेणवासिद्ध किंगणे, पोलीस उपनिरीक्षक रामकृष्ण निवृत्ती थोरात, राजकुमार चन्नवीरप्पा ताळकुंडे, श्रेणी पोलीस उपनिरीक्षक ओमप्रकाश माणिक मडवळी, नागनाथ काशिनाथ गायकवाड, विठ्ठल भाऊराव गायकवाड, रघुनाथ शंकर तवारे, दिपक मधुकर गंभिरे, दिलीप निवृत्ती किंदकर, अल्लाबक्ष फतारुद्दीन शेख, रामचंद्र रेणवासिद्ध मठपती, संजीव सिद्धराम पुजारी, अरुण लक्ष्मण फडके यांच्यासह अन्य अधिकारी व कर्मचाऱ्यांचा सत्कार होणार आहे.
तसेच सहाय्यक पोलीस उपनिरीक्षक दत्तात्रय बळीराम भालेराव, निलप्पा विठ्ठल गोटाडे, राजशेखर तुकाराम कोळी, अतुल सिद्धप्पा न्यामणे, शिवपुत्र सिद्धप्पा अजनाळकर, तसेच पोलीस हवालदार गोविंद प्रभू पवार, शिलिंगैया येप्पा कुंभार, महादू हुसेन शिवशरण, चंद्रकांत शंकरराव कोकरे, चालक पोलीस शिपाई नागनाथ रामचंद्र जाधव आणि पोलीस शिपाई चंद्रकया संग्या संगमठ यांचाही सन्मान करण्यात येणार आहे.
कार्यक्रमास वरिष्ठ पोलीस अधिकारी उपस्थित राहून सेवानिवृत्त होणाऱ्या अधिकारी व कर्मचाऱ्यांच्या कार्याचा गौरव करतील. पोलीस दलात दीर्घकाळ सेवा देताना कायदा व सुव्यवस्था राखणे, गुन्हे नियंत्रण, वाहतूक व्यवस्थापन, नागरिक सुरक्षा आणि प्रशासकीय जबाबदाऱ्या प्रभावीपणे पार पाडणाऱ्या या अधिकारी-कर्मचाऱ्यांच्या सेवेला सलाम करण्यासाठी हा गौरव सोहळा आयोजित करण्यात आला आहे.सेवानिवृत्ती हा सेवाकाळाचा शेवट असला तरी नव्या आयुष्याची सुरुवात असल्याने या अधिकारी व कर्मचाऱ्यांच्या पुढील आयुष्यासाठी शुभेच्छांचा वर्षाव केला जाणार असून, सहकारी व कुटुंबीयांच्या उपस्थितीत होणारा हा समारंभ भावनिक आणि प्रेरणादायी ठरणार असल्याचे सांगण्यात येत आहे.
