स्क्रीन लाइफमुळे वाढलेल्या शारीरिक तक्रारींवर मार्गदर्शन; सोलापुरात ‘मोशन फेस्ट 2026’..
सोलापूर : सोलापुरात प्रथमच फिजिओथेरपी, फिटनेस आणि स्पोर्ट इव्हेंट मोशन फेस्ट 2026 चे आयोजन रविवार दि. 31 मे 2026 रोजी सायंकाळी 5 ते रात्री 8 वाजेपर्यंत सोलापुरातील ए.जी. पाटील कॉलेजच्या बाजूला, आत्मन योगा अँड स्पोर्ट अकॅडमी येथे आयोजित करण्यात आला आहे, अशी माहिती संयोजक फिटनेस कोच राहुल कोरे यांनी पत्रकार परिषदेत दिली.
या कार्यक्रमाच्या उद्घाटनासाठी प्रमुख अतिथी म्हणून डॉ. व्ही. एम. शासकीय वैद्यकीय महाविद्यालयाचे अधिष्ठाता डॉ. ऋत्विक जयकर आणि नगरसेवक युवराज सरवदे यांची उपस्थिती राहणार आहे. या कार्यक्रमासाठी ऑफलाईन आणि ऑनलाईन दोन्ही पद्धतीने नोंदणी करता येणार आहे. 99 रुपये प्रवेश फी आहे. आजच्या धावपळीच्या आणि स्क्रीनवर अवलंबून असलेल्या जीवनशैलीमुळे तरुणांमध्ये पाठ दुखी, मान दुखी, चुकीची पोश्चर, लठ्ठपणा आणि तणावपणा मोठ्या प्रमाणावर वाढला आहे. याच पार्श्वभूमीवर हा इव्हेंट आयोजित करण्यात आला आहे. तज्ञ फिजिओथेरपिस्ट यांच्या मार्गदर्शनाखाली हा कार्यक्रम होणार आहे. यावेळी फिटनेस ड्रिल्स आणि प्रात्यक्षिके होणार आहेत. क्रीडा आणि मनोरंजनात्मक उपक्रम होईल, असेही राहुल कोरे यांनी सांगितले.
या पत्रकार परिषदेत डॉ.शुभम कोरे, डॉ राहुल कोरे, यशवंत राऊत, अनिकेत पंचभाई, वृषभ गोयल आदी उपस्थित होते.
