भक्तीच्या वाटेवर वारकऱ्यांची सेवा हेच आमचे कर्तव्य’ ;माजी आमदार संजय शिंदे;

सोलापूर : “आषाढी वारी ही महाराष्ट्राच्या संस्कृतीची आणि भक्तीची परंपरा आहे. या भक्तीच्या वाटेवर चालणाऱ्या वारकऱ्यांची सेवा करणे हेच आमचे खरे कर्तव्य आहे,” असे प्रतिपादन करमाळा-माढा विधानसभा मतदारसंघाचे माजी आमदार संजयमामा शिंदे यांनी केले. राष्ट्रवादी काँग्रेस पार्टी, करमाळा शहर व तालुक्याच्या वतीने स्व. अजितदादा पवार यांच्या जयंती दिनानिमित्त आषाढी वारीसाठी जाणाऱ्या वारकऱ्यांसाठी मोफत नाश्ता, चहापाणी तसेच प्राथमिक उपचार व आरोग्य तपासणी केंद्राचे आयोजन करण्यात आले. या उपक्रमाचा शुभारंभ माजी आमदार संजयमामा शिंदे यांच्या हस्ते स्व. अजितदादा पवार यांच्या प्रतिमेचे पूजन करून करण्यात आला.

यावेळी तालुका पंचायत समितीचे उपसभापती ॲड. अजित विघ्ने, राष्ट्रवादी काँग्रेसचे तालुकाध्यक्ष तथा पंचायत समिती सदस्य भरत आवताडे, ज्येष्ठ पत्रकार विवेक येवले, ज्येष्ठ नेते नानासाहेब लोकरे, जिल्हा परिषद सदस्य प्रशांत पाटील, माजी नगरसेवक प्रविण जाधव, राष्ट्रवादी काँग्रेसचे जिल्हा उपाध्यक्ष आशपाक जमादार, मनसेचे तालुकाध्यक्ष नानासाहेब मोरे, लेबर फेडरेशनचे संचालक मानसिंग खंडागळे, पैलवान उमेश इंगळे, मराठा सेवा संघाचे अध्यक्ष सचिन काळे, युवक नेते अजिंक्य पाटील, अभी पवार, राष्ट्रवादी युवक काँग्रेसचे जिल्हाध्यक्ष अभिषेक आव्हाड, साडेचे सरपंच मयूर पाटील, पोथरेचे युवक नेते शहाजी झिंजाडे यांच्यासह विविध पदाधिकारी, कार्यकर्ते आणि वारकरी मोठ्या संख्येने उपस्थित होते.यावेळी वारकऱ्यांना मोफत नाश्ता, चहापाणी तसेच प्राथमिक आरोग्य तपासणीची सुविधा उपलब्ध करून देण्यात आली. या सेवाभावी उपक्रमाचे वारकरी व नागरिकांनी स्वागत करत आयोजकांचे कौतुक केले.