अक्कलकोट : श्री वटवृक्ष स्वामी महाराज देवस्थान कार्यातून धर्म, अध्यात्म व समाजसेवेचा त्रिवेणी संगम अनुभवला असल्याचे मनोगत राष्ट्रवादी काँग्रेस पक्षाचे ज्येष्ठ नेते, खा. सुनील तटकरे यांनी व्यक्त केले. देवस्थान येथे खा. तटकरे यांचा मंदीर समितीच्या वतीने चेअरमन व नगरसेवक महेश इंगळे यांनी श्री स्वामी समर्थांचे कृपावस्त्र, प्रसाद, प्रतिमा देवून सन्मान केला. यावेळी प्रथमेश इंगळे, समितीचे सचिव आत्माराम घाटगे, विश्वस्त महेश गोगी, श्रीशैल गवंडी, प्रा. शिवशरण अचलेर, बाळासाहेब एकबोटे, रविंद्र झोपे, रुद्रय्या स्वामी, अमर पाटील, रमेश शिंदे, श्रीकांत मलवे इत्यादी उपस्थित होते.
