सोलापूर : उद्योगांसाठी निश्चितच दिलासादायक आणि आशादायी आहे. MSME क्षेत्र, पायाभूत सुविधा आणि उत्पादन क्षेत्रावर सरकारने दिलेला ठोस भर स्वागतार्ह आहे. याचा थेट फायदा सोलापूरसारख्या उदयोन्मुख औद्योगिक शहरांना होणार असून येथे नव्या गुंतवणुकीच्या संधी निर्माण होतील.
स्थानिक लघु-मध्यम उद्योगांना बळ मिळेल, ऑटो पार्ट्स व इंजिनिअरिंग उद्योगाचा विस्तार होईल आणि त्यामुळे रोजगारनिर्मितीला गती मिळेल.ऑटोमोबाइल क्षेत्राच्या दृष्टीने हा अर्थसंकल्प सकारात्मक दिशा देणारा आहे. उत्पादन क्षमता वाढवणे, तंत्रज्ञानात सुधारणा करणे आणि भविष्यातील इलेक्ट्रिक वाहनांबाबत सरकारने दाखवलेली स्पष्ट भूमिका उद्योगविश्वास वाढवणारी आहे. यामुळे देशांतर्गत उत्पादनासोबतच निर्यातीच्या संधीही वाढतील.
एकंदरीत हा अर्थसंकल्प उद्योगांच्या दीर्घकालीन वाढीस पूरक असून आर्थिक स्थैर्य आणि विकास यांचा समतोल साधणारा आहे. सोलापूरच्या औद्योगिक विकासाला चालना देणारा आणि स्थानिक उद्योजकांसाठी नवी दारे उघडणारा असा हा अर्थसंकल्प ठरेल, असा विश्वास वाटतो.”– यतिन शहा, चेअरमन व व्यवस्थापकीय संचालक, प्रिसिजन कॉम्पशाफ्ट्स, सोलापूर.
