सोलापूर – महात्मा गांधी जयंती सप्ताहाच्या पार्श्वभुमीवर राज्य उत्पादन शुल्क विभाग सोलापूर यांची अवैध देशी/विदेशी मद्य व हातभट्टी दारु निर्मिती /विक्री/वाहतुकीवर केलेल्या धडक कारवाईत 28 वाहनासह रूपये 90 लाख 97 हजार 775 रुपयाचा मुद्देमाल जप्त करण्यात आला आहे.
या कारवाईत राज्य उत्पादन शुल्क विभाग सोलापूर राजेश देशमुख, आयुक्त, महाराष्ट्र राज्य, प्रसाद सुर्वे (अं व द) मुंबई, व विभागीय उपायुक्त पुणे विभाग सागर धोमकर याच्या निर्देशानुसार राज्य उत्पादन शुल्क अधीक्षक भाग्यश्री जाधव, प्रभारी उपअधीक्षक जे. एन. पाटील, याचे मार्गदर्शनाखाली 02 ऑक्टोबर ते 08 ऑक्टोबर या दरम्यान राज्य उत्पादन शुल्क विभाग सोलापूर यांची महात्मा गांधी सप्ताहाच्या पार्श्वभुमीवर अवैध देशी/विदेशी मद्य व हातभट्टी दारु निर्मिती/विक्री/वाहतुकीवर हातभट्टी निमिती केंद्रावर व वाहतुकीवर केलेल्या धडक कारवाईत १४३ गुन्हे नोंद करण्यात आले असुन 126 जणांवर कारवाई करुन 73,495 ली. गुळमिश्रित रसायन, 6515 लि. हातभट्टी दारु, 152.37 ब.ली. विदेशी मद्य. 314.82 ब. ली, देशी मद्य, 31.2 ब.ली. बिअर, 487 ली. ताडी, 750 किलो काळा गुळ, 90.54 ब.ली. परराज्यातील विदेशी मद्य तसेच 28 वाहनासह एकुण रूपये 90 लाख 97 हजार 775 चा मुद्देमाल जप्त करण्यात आला आहे.
तसेच गतवर्षीच्या सन 2024-25 च्या तुलनेत सन 2025-26 या वर्षात एकुण गुन्हयात 15 टक्के व एकुण मुद्देमालात 232 टक्के वाढ झाली आहे.
या कारवाईत निरीक्षक आर. एम. चवरे, ओ व्ही घाटगे, पंकज कुंभार, . भवड, मोहिते, राकेश पवार, तसेच दुय्यम निरीक्षक एस डी कांबळे, आर एम कोलते, धनाजी पोवार, समाधान शेळके, सुखदेव सिद, अंजली सरवदे, . प्रितम पडवळ, राम निंबाळकर, श्रध्दा गडदे, .कदम चव्हाण, सहाय्यक दुय्यम निरीक्षक . मुकेश चव्हाण,, संजय चव्हाण, गुरुदत्त भंडारी, आनंद जोशी, बिराजदार जवान सर्वश्री आण्णा कर्चे, नंदकुमार वेळापूरे, अण्णासाहेब फड, पवन उगले, शोएब बेगमपुरे, वसंत राठोड, चेतन व्हनंगुटी, कपील स्वामी, प्रशांत इगोले अनिल पांढरे, विनायक काळे, विकास वडमिले, विजय शेळके, योगीरज तोग्गी, तानाजी जाधव, प्रकाश सावंत, पुसावळे, योगेश पाटील, महिला जवान शिवानी मुढे, दिपाली सलगर, वाहनचालक मारुती जडगे, राम मदने व दिपक वाघमारे यांनी पार पाडली.
अवैध मद्यविक्री, अवैध निर्मिती व वाहतूकी विरोधात कारवाई या पुढेही चालु राहणार असून अवैध मद्याबाबत माहिती असल्यास टोल फ्री 18002339999 क्रमांक अथवा व्हॉटस अॅप क्रमांक 8422001133 या कार्यालयास माहिती दिल्यास माहिती देणा-याचे नाव गुप्त ठेवले जाईल असे अधीक्षक भाग्यश्री जाधव, यांनी माहिती कळविण्याचे आवाहन केले आहे.
