सोलापूर : श्रीमंत मानाचा कसबा गणपती मंडळाच्या वतीने नूतन राज्यसभा खासदार डॉ. ज्योती वाघमारे यांचा विजयालक्ष्मी बाळासाहेब मुस्तारे यांच्या हस्ते सत्कार सोहळा उत्साहात पार पडला. मंडळाच्या वतीने शाल, श्रीफळ, गणपतीची प्रतिमा व पुष्पगुच्छ देऊन त्यांचा सन्मान करण्यात आला.
यावेळी कसबा गणपती मंडळाचे ट्रस्टी अध्यक्ष सोमनाथ भोगडे, उपाध्यक्ष प्रकाश वाले, श्री सिद्धेश्वर यात्रेचे प्रमुख मानकरी राजशेखर हिरेहब्बू नगरसेवक अमोल शिंदे मल्लिनाथ खुने, केदार मेंगाणे, मल्लिनाथ मसरे, गुरुलिंग समाणे, शिवशंकर कोळकूर, बिप्पीन धुम्मा, शिवानंद बुगडे, रामचंद्र जोशी, आप्पासाहेब बिराजदार, अमित गुंगे, नागनाथ मेंगाणे, प्रविण वाले, पुष्कराज मेत्री, आनंद मुस्तारे, जगदीश हिरेहब्बू, अनिल मसरे, लक्ष्मण भाईकट्टी, गुरुशांत मोकाशी, इरप्पा राजमाने यांच्यासह मंडळाचे पदाधिकारी, कार्यकर्ते व नागरिक मोठ्या संख्येने उपस्थित होते.
या प्रसंगी बोलताना डॉ. वाघमारे यांनी मंडळाच्या कार्याचे विशेष कौतुक करत, “कसबा गणपती मंडळ हे केवळ धार्मिक परंपरा जपणारे नसून समाजसेवेच्या विविध उपक्रमांद्वारे नागरिकांच्या जीवनात सकारात्मक बदल घडवणारे एक आदर्श उदाहरण आहे,” असे गौरवोद्गार काढले.
