सोलापूर: महामानव डॉ. बाबासाहेब आंबेडकर यांच्या १३५ व्या जयंतीचे औचित्य साधून आणि माजी महापौर स्व. महेश अण्णा कोठे यांच्या ६२ व्या जयंतीनिमित्त, स्व. विष्णुपंत कोठे मेमोरियल हॉस्पिटल व कोठेज गॅस्ट्रो केअर सेंटरच्या वतीने शहरात मोठ्या उत्साहात सामाजिक उपक्रम राबवण्यात आला. डॉ. सूर्यप्रकाश कोठे यांच्या माध्यमातून महाबोधी बुद्धविहार, सम्राट चौक येथे महाबोधी लेझीम संघाच्या सहकार्याने परिसरातील माता-भगिनींना १००० हून अधिक साड्यांचे वाटप करण्यात आले.या कार्यक्रमाचे प्रास्ताविक महाबोधी लेझीम संघाचे उत्सव अध्यक्ष सुजित शेंडगे यांनी केले.
यावेळी सतीश लोंढे यांनी स्व. विष्णुपंत तात्यासाहेब कोठे आणि स्व. महेश अण्णा कोठे यांच्या राजकीय व सामाजिक कार्याचा गौरवपूर्ण उल्लेख करत कोठे परिवाराप्रती कृतज्ञता व्यक्त केली. मंडळाचे संस्थापक शांतकुमार नागटिळक व अमोल गोडसे यांनी कोठे परिवाराच्या या उपक्रमाचे विशेष कौतुक केले.याप्रसंगी उपस्थित नागरिकांना संबोधित करताना नगरसेवक प्रथमेश कोठे व डॉ. सूर्यप्रकाश कोठे म्हणाले की, “कोठे परिवाराने नेहमीच सामाजिक बांधिलकी जपली आहे. स्व. अण्णांचा आणि तात्यांचा वारसा पुढे चालवताना आम्हाला अभिमान वाटतो.
भविष्यात देखील शहरातील सर्वसामान्यांच्या अडीअडचणीत कोठे परिवार खंबीरपणे पाठीशी उभा राहील.”या सोहळ्याला उद्योजक वेंकटेश चिल्का, संतोष सोमा, श्री. राजुल, श्याम कुमार गंजी, प्रा. विठ्ठल लोहार, छत्रपती अवशेट्टी, विकी शेंडगे यांच्यासह मंडळाचे पदाधिकारी आणि मोठ्या संख्येने महिला व पुरुष उपस्थित होते. कार्यक्रमाचे सूत्रसंचालन बिभीषण सिरसट यांनी केले, तर सुजित शेंडगे यांनी आभार मानले. शहरातील विविध भागांतील गरजू महिलांनी या उपक्रमाचा लाभ घेतला.
