सोलापूर : शहरातील कामतकर क्लासेसने इयत्ता दहावीच्या निकालात सलग तिसऱ्या वर्षी १०० टक्के निकालाची परंपरा राखली. क्लासमधील तब्बल ५३ विद्यार्थ्यांनी ९० टक्क्यांपेक्षा अधिक गुण मिळवत यश संपादन केले.यामध्ये सई पिंपळनेरकर आणि अर्णव राऊत यांनी १०० टक्के गुण मिळवत क्लासमध्ये प्रथम क्रमांक पटकावला. विशेष म्हणजे सई पिंपळनेरकर हिने गणित विषयात १०० पैकी १०० गुण मिळवून विशेष कौतुकास पात्र ठरली.
विषयनिहाय निकालातही विद्यार्थ्यांनी चमकदार कामगिरी केली आहे. गणित विषयात ४४ विद्यार्थ्यांना, विज्ञान विषयात ३९ विद्यार्थ्यांना, इंग्रजी विषयात २९ विद्यार्थ्यांना तर सामाजिक शास्त्र विषयात ३७ विद्यार्थ्यांना ९० पेक्षा अधिक गुण मिळाले आहेत.विद्यार्थ्यांना हार्डवर्कसोबत स्मार्ट स्टडीचे धडे देण्यावर कामतकर क्लासेसमध्ये विशेष भर दिला जातो. या यशासाठी कामतकर, कदम, हलकुडे, तावसे, अंबादास जाधव, अनुजा जोशी आडकी, पांडे आणि प्राजक्ता कुलकर्णी यांचे विद्यार्थ्यांना मार्गदर्शन लाभले.
