सोलापूर ; पुण्यश्लोक अहिल्यादेवी होळकर सोलापूर विद्यापीठाच्या अंतीम सत्र परीक्षा २ एप्रिल पासून सुरु असून २८ मे पर्यंत त्या चालणार आहेत. एकूण ३८४ अभ्यासक्रमांपैकी आत्तापर्यंत तब्बल २७८ अभ्यासक्रमांचे निकाल विद्यापीठाने जाहीर केले आहेत. परीक्षा संपताच चार आठ दिवसांमध्ये तातडीने निकाल जाहीर करण्याचा धडाका विद्यापीठाने सुरु केला आहे.
विद्यापीठाच्या परीक्षा अन् गोंधळ, हे समीकरण झाले होते. पण, अंतीम सत्र परीक्षा सुरु होण्यापूर्वीच प्रभारी कुलगुरू प्रा. डॉ. लक्ष्मीकांत दामा यांनी परीक्षा विभागाची समन्वय बैठक घेऊन यापूर्वी होणाऱ्या त्रुटींची टाळण्यासाठी ठोस कृतीआराखडा तयार केला. त्यामुळे, अंतीम सत्र परीक्षा शेवटच्या टप्यात आल्या आहेत. ऑनलाईन पद्धतीने उत्तपत्रिकांची तपासणी होत असून प्राध्यापकांच्या पुढाकारामुळे निकालाची प्रक्रीया सुलभ झाल्याचे, परीक्षा विभागाचे संचालक प्रा. डॉ. श्रीकांत अंधारे यांनी सांगितले. आत्तापर्यंत २७८ विभागांचे निकाल जाहीर झाले आहेत.
