जिल्हा परिषदेच्या सभेत एकमताने मंजुरी; अंतिम मान्यतेचा मार्ग मोकळा
सोलापूर : जिल्हा परिषद सोलापूर येथील दुसऱ्या मजल्यावरील ‘शिवरत्न सभागृह’चे नाव बदलून ‘भारत रत्न श्री. अटल बिहारी वाजपेयी सभागृह’ असे करण्याचा प्रस्ताव जिल्हा परिषदेच्या सभेत एकमताने मंजूर करण्यात आला. त्यामुळे सभागृहाच्या नामकरणाचा मार्ग मोकळा झाला आहे.जिल्हा परिषद सोलापूरच्या दुसऱ्या मजल्यावर असलेल्या शिवरत्न सभागृहाचे नामकरण करण्यासंदर्भातील प्रस्ताव यापूर्वी ४ ऑगस्ट २०२६ रोजी झालेल्या जिल्हा परिषद स्थायी समितीच्या सभेत सर्वानुमते मंजूर करण्यात आला होता. त्यानंतर हा प्रस्ताव जिल्हा परिषदेच्या सर्वसाधारण सभेसमोर मान्यतेसाठी ठेवण्यात आला.
सर्वसाधारण सभेत या प्रस्तावावर चर्चा होऊन शिवरत्न सभागृहाचे नाव बदलून ‘भारत रत्न श्री. अटल बिहारी वाजपेयी सभागृह’ करण्यास एकमताने मंजुरी देण्यात आली. त्यामुळे आता जिल्हा परिषदेच्या या महत्त्वाच्या सभागृहाला माजी पंतप्रधान व भारतरत्न अटल बिहारी वाजपेयी यांचे नाव देण्यात येणार आहे.जिल्हा परिषदेच्या विविध बैठका, प्रशासकीय कार्यक्रम आणि महत्त्वाच्या उपक्रमांसाठी या सभागृहाचा वापर केला जातो. त्यामुळे या नामकरणामुळे जिल्हा परिषदेच्या प्रशासकीय वास्तूमध्ये अटल बिहारी वाजपेयी यांच्या स्मृतीला स्थान मिळणार आहे.
