सोलापूर : सर्वसामान्य नागरिक आणि महिला भगिनींच्या चेहऱ्यावरील आनंद हीच माझ्यासाठी वाढदिवसाची खरी भेट आहे. जनसेवा हीच ईश्वरसेवा मानून आम्ही सातत्याने कार्यरत आहोत. सामाजिक व धार्मिक उपक्रमांतून महिलांच्या चेहऱ्यावर फुलणारा आनंद पुढील समाजकार्यासाठी नवी ऊर्जा देतो, असे प्रतिपादन कृषी उत्पन्न बाजार समितीचे सभापती तथा माजी आमदार दिलीप माने यांनी केले. माजी आमदार दिलीप माने यांच्या वाढदिवसाचे औचित्य साधून श्रावण महिन्यात गुळवंची येथील महिलांसाठी विशेष देवदर्शन सोहळ्याचे आयोजन करण्यात आले होते. सरपंच सुनील जाधव यांच्या संयोजनातून राबविण्यात आलेल्या या उपक्रमात गाव व परिसरातील सुमारे २५० महिलांनी सहभाग घेतला.
या महिलांना शिखर शिंगणापूर, मोरगाव गणपती, पंढरपूर आणि बाळे येथील धार्मिक स्थळांचे दर्शन घडविण्यात आले. प्रवासासाठी आवश्यक वाहतूक व्यवस्थेसह नियोजन करण्यात आले होते. त्यामुळे महिलांनी भक्तिमय आणि उत्साही वातावरणात विविध तीर्थक्षेत्रांचे दर्शन घेतले. श्रावण महिन्यात आयोजित केलेल्या या उपक्रमामुळे सहभागी महिलांमध्ये आनंदाचे वातावरण होते. देवदर्शन सोहळ्याच्या शुभारंभप्रसंगी सरपंच सुनील जाधव, माजी सरपंच अश्विनी जाधव, सुनंदा शिंदे, चंद्रहास पवार, अरुण बोराडे, तानाजी भोसले, प्रभाकर जगताप, उमेश इंगळे आणि अण्णासाहेब खताळ आदी उपस्थित होते.
या देवदर्शन सोहळ्यात विजया बोराडे, रंजना कोरके, कालिंदा कोरके, अनुसया नवगिरे, ज्योती गिलबिले, नूतन बोराडे आणि मंदाकिनी पिसके यांच्यासह गावातील महिला मोठ्या संख्येने सहभागी झाल्या होत्या.
