आज गजानन महाराजांचा १४८ वा प्रकट दिन सोहळा..
सोलापूर : सोरेगाव येथील श्री गजानन महाराज मंदिरात महाराजांचा १४८ वा प्रकट दिन सोहळ्यानिमित्त विविध कार्यक्रम सुरू आहेत. तीन दिवस चालणाऱ्यया सोहळ्यात गजानन विजय ग्रंथाचे पारायण, पालखी प्रदक्षिणा शिवाय स्वरसंध्या कार्यक्रम आहेत.
प्रकट दिनाच्या दिवशी मंदिरामध्ये पहाटे तीन वाजता मंगलवाद्य, भूपाळी, काकड आरती होऊन गुलाल कार्यक्रमानंतर सायंकाळी ५.३० वाजत पालखी प्रदक्षिणा होणार आहे. शिवाय सकाळी १० ते ३ या वेळेत रक्तदान शिबिराचे आयोजनही करण्यात आले असल्याचे मंदिर समितीच्या अध्यक्षांकडून सांगण्यात आले आहे. महाप्रसादाचा लाभ घेण्याचे आवाहन गुरुलिंग कान्नूरकर यांनी केले आहे.
