राजकीय, शैक्षणिक, सामाजिक क्षेत्रातील मान्यवरांनी दिल्या शुभेच्छा
कोल्हापूर : शिक्षक व शिक्षकेतर कर्मचाऱ्यांचे लाडके नेतृत्व व पुणे विभाग शिक्षक मतदार संघाचे आमदार जयंत आसगावकर यांचा वाढदिवस रविवारी उत्साहात साजरा करण्यात आला. बालाजी गार्डनच्या हिरवळीवर आमदार सतेज पाटील, मा. आमदार मालोजीराजे छत्रपती, विद्यमान नगरसेवक, राजकीय, शिक्षण, सामजिक क्षेत्रातील मान्यवरांच्या उपस्थितीत केक कापून भव्य अतिषबाजी करत वाढदिवस साजरा करण्यात आला.
आमदार आसगावकर यांना शुभेच्छा देण्यासाठी सायंकाळी 4 नंतर बालाजी गार्डनवर गर्दी झाली. या वाढदिवस व स्नेहमेळावा कार्यक्रमास मुंबई, पुणे, कोल्हापूर, सांगली, सातारा व सोलापूर जिल्ह्यातील राजकीय, शैक्षणिक, सामाजिक कला, क्रीडा यासह विविध क्षेत्रातील मान्यवर उपस्थित होते. या मान्यवरांनी आमदार आसगावकर यांना भेटून शुभेच्छा दिल्या. याशिवाय खासदार छत्रपती शाहू महाराज, पालकमंत्री प्रकाश आबिटकर, वैद्यकीय शिक्षणमंत्री हसन मुश्रीफ, प्राथमिक शिक्षणाधिकारी मीना शेंडकर आदींनी भ्रमणध्वनीवरून शुभेच्छा दिल्या.
या वाढदिवस कार्यक्रमास प्रिन्स शिवाजी मराठा बोर्डिंगचे चेअरमन के. जी. पाटील, सेकंडरी बँकेचे अध्यक्ष चंद्रकांत पाटील, वाळवा शिक्षण संस्था, इस्लामपूरचे सहसचिव धैर्यशीलबाबा पाटील, ज्ञानेश्वर शिक्षण संस्था, आष्टाचे अध्यक्ष चिमणभाऊ डांगे, न्यू एज्युकेशन सोसायटीचे चेअरमन निर्मल लोहिया, सचिव प्रभाकर हेरवाडे, यड्राव शिक्षण संस्थेचे अध्यक्ष आण्णासो क्वाणे, प्राचार्य व्ही. एम. पाटील, मुख्याध्यापक संघाचे चेअरमन राहुल पोवार, सचिव आर. वाय. पाटील, उपाध्यक्ष मिलिंद पांगिरेकर व रवींद्र मोरे, शैक्षणिक व्यासपीठाचे अध्यक्ष एस. डी. लाड, संजीवन शिक्षण समूहाचे सहसचिव एन. आर. भोसले, एबीपी शिक्षण समूहाचे ए. बी. पाटील, केडीसीसी बँकेचे संचालक ए. वाय. पाटील, भैय्या माने व रणजीत पाटील, विविध शाखांचे शिक्षक व शिक्षकेतर कर्मचारी, भुदरगड तालुका मुख्याध्यापक संघाचे पदाधिकारी, महाराष्ट्र राज्य कायम विनाअनुदानित संघटनेचे पदाधिकारी, कोजिमाशी पतपेढीचे सर्व संचालक यासह विविध शाळांचे मुख्याध्यापक, शिक्षक, शिक्षकेतर कर्मचारी मोठ्या संख्येने उपस्थित होते
………………………………….
आमदार जयंत आसगावकर यांच्या वाढदिवसाला सामाजिकतेची ही किनार लाभली. या वाढदिवसानिमित्त कोपार्डे येथील स. ब. खाडे महाविद्यालयात आरोग्य शिबिर घेण्यात आले. या शिबिरात 460 लोकांची आरोग्य तपासणी करून मोफत औषधोपचार करण्यात आले.
