सोलापूर ; सोलापूरच्या संघर्षकन्या तथा शिवसेनेच्या प्रवक्त्या प्रा. डॉ. ज्योती वाघमारे अखेर सोमवारी अधिकृतपणे खासदार झाल्या. राज्यसभेवर बिनविरोध निवड झाल्यामुळे सोमवारी त्यांना विधानभवनात राज्यसभा सदस्यत्वाचे प्रमाणपत्र देण्यात आले. आपल्या आई-वडिलांसमवेत येऊन ज्योती यांनी हे प्रमाणपत्र स्वीकारले अन् त्या खासदार प्रा. ज्योती वाघमारे झाल्या.
‘राज्यसभेचे अधिकृत खासदार झाल्याचे हे पत्र मिळाल्याबरोबर सर्वात आधी मी विधान भवनाच्या परिसरात असलेल्या छत्रपती शिवाजी महाराजांच्या प्रतिमेलाबाबासाहेबांना अभिवादन केले. त्यानंतर चैत्यभूमीवर अभिवादन केले. श्री सिद्धिविनायक मंदिर तसेच समस्त शिवसैनिकांचे प्रेरणास्थान असलेल्या बाळासाहेब ठाकरे यांच्या स्मृतिस्थळावरही नतमस्तक झाले. इथला प्रत्येक मातीचा कण बाळासाहेब ठाकरे यांच्या विचाराने पेटलेला आहे, त्या मातीसमोर नतमस्तक होत भीमराज की बेटी आणि बाळासाहेबांची लेक म्हणून मी दिल्लीला जाण्यापूर्वी या सर्वांचे आशीर्वाद घेतले.
आमचे नेते उपमुख्यमंत्री एकनाथ शिंदे आणि खासदार श्रीकांत शिंदे यांनी महिला दिनाची भेट म्हणून एका लाडक्या बहिणीला खासदार केले. हीच खरी शिवसेना आहे. बाळासाहेबांनी पान टपरीवाल्याला मंत्री केले, भाजी विकणाऱ्याला मुंबईचा महापौर केले. रिक्षावाल्याला शिवसेनेचा नेता, आमदार आणि
नंतर मुख्यमंत्री केले. तसेच शिंदेंनी या भीमाच्या लेकीला खासदार केले,’ असे प्रा. वाघमारे म्हणाल्या..
