सोलापूर : छत्रपती शिवाजी महाराज यांच्या जयंतीनिमित्त प्रसिद्ध गॅस्ट्रो एंट्रॉलॉजिस्ट डॉ. सूर्यप्रकाश कोठे यांच्यावतीने डॉ. कोठेज् गॅस्ट्रो लिव्हर केअर अँड जी आय एंडोस्कोपी सेंटर येथे आरोग्य तपासणी शिबिराचे आयोजन करण्यात आले होते.स्व. विष्णुपंत कोठे यांच्या सामाजिक कार्याचा वसा पुढे नेत असताना डॉ. सूर्यप्रकाश कोठे यांनी सामाजिक जाणिवेतून सर्वसामान्य रुग्णांची सेवा करण्यासाठी या आरोग्य शिबिराचे आयोजन केले होते.
या शिबिरास नगरसेवक सिद्धेश्वर कमटम, वासुदेव इप्पलपल्ली, पद्मशाली ज्ञाती संस्थेचे सचिव संतोष सोमा, संतोष चिवडशेट्टी, डॉ. महांतेश स्वामी वैद्य, डॉ. सुशील राठोड, डॉ. सिद्धार्थ मिश्रा, डॉ. रोहन चौगुले, डॉ. शिवलीला उमराणी, गणेश बत्तुल, मुख्याध्यापिका राजश्री नारायणकर, मुख्याध्यापिका तनुजा मारपल्ली, मुख्याध्यापक सचिन ढोपरे, मुख्याध्यापक सतीश मल्लाव या मान्यवरांची उपस्थिती होती.
सूत्रसंचालन सदाशिव पवार यांनी केले. या निःशुल्क जनआरोग्य तपासणी शिबिराचा बहुसंख्य नागरिकांनी लाभ घेतला. या तपासणी शिबिराच्या यशस्वीतेसाठी डॉ. कोठेज् गॅस्ट्रो लिव्हर केअर अँड जी आय एंडोस्कोपी सेंटरच्या सर्व कर्मचाऱ्यांनी परिश्रम घेतले.
