सोलापूर, : सामाजिक बांधिलकीचा वारसा जपत शहरात कार्यरत असलेल्या श्रीमंतयोगी युवक प्रतिष्ठानचा १० वा वर्धापनदिन रविवारी (ता. २४ ) उत्साहात साजरा केला जाणार आहे. या दशमानपूर्ती सोहळ्याचे औचित्य साधून यंदाच्या आदर्श पालक पुरस्कारांची घोषणा प्रतिष्ठानच्या वतीने करण्यात आली असून, मान्यवरांच्या उपस्थितीत या पुरस्कारांचे वितरण होणार आहे. तसेच संस्थेच्या सामाजिक कार्याचा आलेख मांडणाऱ्या कार्यवृत्तांचे प्रदर्शन”ही यावेळी आयोजित करण्यात आले आहे, अशी माहिती प्रतिष्ठानचे अध्यक्ष महेश कासट यांनी दिली.
रंगभवन चौकातील समाजकल्याण केंद्र येथे रविवारी संध्याकाळी ६ ते रात्री ९ या वेळेत हा सोहळा होणार आहे. या कार्यक्रमाच्या अध्यक्षस्थानी जिल्हा गटसचिव सहकारी पतसंस्थेचे उपाध्यक्ष विश्वनाथ भोसले असणार असून, त्यांच्याच हस्ते पुरस्कार प्रदान केले जातील. मान्यवरांची प्रमुख उपस्थिती या सोहळ्यासाठी प्रमुख पाहुणे म्हणून पुण्यश्लोक अहिल्यादेवी होळकर सोलापूर विद्यापीठाचे संशोधक व अधिकारी डॉ. अभिजीत जगताप, प्रसिद्ध उद्योजक जुगलकिशोर करवा, साई समर्थ फायनान्सचे चेअरमन अनिल बुरांडे आणि उद्योजक केदार बिराजदार हे उपस्थित राहणार आहेत.
यांना मिळणार आदर्श पालक पुरस्कार ; विशाखा-अनिल बाबरे, अलका-संभाजी खंदारे, अनिता-हनुमंतसिंग राजपूत, रिहाना-मदार मकानदार, लता-उद्धव इरशेट्टी, सुलक्षणा-दत्तात्रय मळगे, संध्या-तुळशीदास नारायणकर, फजलुन-अल्लावल्ली इनामदार यांचा सन्मान होणार आहे.
