सोलापूर: सोलापूर शहर आणि जिल्ह्यासह देशातील अनेक भागांमध्ये आज, बुधवार दिनांक १८ फेब्रुवारी २०२६ रोजी (२९ शाबान १४४७ हिजरी) पवित्र रमजानचा चंद्र दिसला आहे. शरीयतच्या नियमांनुसार चंद्रदर्शनाची खात्री करण्यात आली असून, सोलापूरच्या ‘रुयते हिलाल कमिटी’ने अधिकृतपणे याची घोषणा केली आहे.
या निर्णयानुसार, उद्या गुरुवार दिनांक १९ फेब्रुवारी २०२६ रोजी रमजान महिन्याचा पहिला उपवास (रोझा) असेल.रुयते हिलाल कमिटी, सोलापूरचे अध्यक्ष मुफ्ती काझी सय्यद अमजद अली यांनी ही माहिती प्रसिद्धीपत्रकाद्वारे दिली आहे. यावेळी मौलाना ताहेर बेगसाब, मौलाना फौजदार खानसाब आणि मुफ्ती अब्दुल हमीद शेखसाब यांची उपस्थिती होती. चंद्रदर्शन झाल्यामुळे मुस्लिम बांधवांमध्ये उत्साहाचे वातावरण असून, उद्यापासून महिनाभर मशिदींमध्ये विशेष नमाज आणि प्रार्थनेचे आयोजन केले जाणार आहे.
