सोलापूर: शहर प्रतिनिधीकेंद्रीय रस्ते वाहतूक आणि महामार्ग मंत्री नितीन गडकरी यांचा गुरुवारी, १४ मे २०२६ रोजी सोलापूर जिल्हा दौऱ्यावर येत आहेत. सकाळी पुण्यातून सुरू होणाऱ्या या दौऱ्यात ते दिवे घाट पाहणीपासून ते पंढरपूर-अक्कलकोट देवदर्शनासह राष्ट्रीय महामार्गांच्या भूमिपूजनाचा कार्यक्रम उरकणार आहेत.
सकाळी ८:३० वाजता गडकरी पुणे येथील जे. डब्ल्यू. मॅरियट हॉटेलमधून आपल्या दौऱ्याची सुरुवात करतील. हडपसर मार्गे जेजुरीकडे जाताना ते ‘दिवे घाटाची’ पाहणी करतील. त्यानंतर ते फलटणला पोहोचतील. सकाळी ११:०० ते १२:०० या वेळेत ते ‘नीरा कॅनॉल पुलाची’ (UHPFRC) पाहणी करतील आणि त्यानंतर पत्रकारांशी संवाद साधतील.दुपारी १२ वाजता फलटण नातेपुते आणि वेळापूर मार्गे प्रवास करतील. प्रवासादरम्यान घुलेनगर (वेळापूर) जवळील ‘अहिल्यादेवी विहीर’ आणि वाखरी येथील ‘बाजीराव विहीर’ येथे ते थोडावेळ थांबतील.
दुपारी १:४० वाजता ते पंढरपूरला पोहोचतील आणि श्री विठ्ठल-रुक्मिणीचे दर्शन घेतील. त्यानंतर ते माजी आमदार प्रशांत परिचारक यांच्या निवासस्थानी दुपारचे भोजन करतील आणि काही काळ राखीव वेळ घालवतील.दुपारी ४:४० वाजता गडकरी पंढरपूर हेलिपॅडवरून हेलिकॉप्टरने अक्कलकोटसाठी रवाना होतील. सायंकाळी ५:१५ च्या सुमारास अक्कलकोट येथे पोहोचल्यानंतर ते ‘श्री वटवृक्ष स्वामी महाराज देवस्थानचे’ दर्शन घेतील.त्यानंतर ते ‘शिवपुरी’ येथे सदिच्छा भेट देतील आणि सायंकाळी ६:०५ वाजता आमदार सचिन कल्याणशेट्टी यांच्या निवासस्थानी जातील.सायंकाळी ६:३० ते ७:३० या वेळेत अक्कलकोट बसस्थानकाजवळ सोलापूर जिल्ह्यातील ‘राष्ट्रीय महामार्ग प्रकल्पांचे (NH Projects) भव्य भूमिपूजन’ त्यांच्या हस्ते पार पडेल.अक्कलकोट येथील कार्यक्रम आटोपल्यानंतर गडकरी रस्तेमार्गे सोलापूर शहराकडे रवाना होतील. रात्री ८ वाजता ते सोलापुरातील ‘हॉटेल बालाजी सरोवर प्रीमियर’ येथे पोहोचतील आणि तिथेच त्यांचा रात्रीचा मुक्काम असेल.
