अभियांत्रिकीची दृष्टी अन् उद्योजकतेची दूरदृष्टी; विकास कोळींचा प्रेरणादायी प्रवास!!

विकास कोळी यांचा शासकीय सेवेतून उद्योजकतेपर्यंतचा प्रेरणादायी प्रवास; व्यवसाय, मार्गदर्शन आणि नवकल्पनांचा ठसा

सोलापूर : अभियंता म्हणून कारकिर्दीची सुरुवात करून पायाभूत सुविधा क्षेत्रातील महत्त्वाच्या प्रकल्पांमध्ये योगदान देत पुढे यशस्वी उद्योजक, मार्गदर्शक आणि व्यवसायविकासाचे रणनीतीकार म्हणून स्वतःची वेगळी ओळख निर्माण करणारे विकास कोळी यांचा व्यावसायिक प्रवास प्रेरणादायी ठरत आहे. त्यांच्या वाढदिवसानिमित्त प्रसिद्ध करण्यात आलेल्या विशेष माहितीतून त्यांच्या तब्बल तीन दशकांच्या व्यावसायिक वाटचालीचा आढावा समोर आला आहे.विकास कोळी यांनी १९९८ मध्ये ठाणे महानगरपालिकेत अभियंता म्हणून आपल्या व्यावसायिक कारकिर्दीला सुरुवात केली.

स्मार्ट सिटी आणि शहर विकासाशी संबंधित कामातून त्यांनी आपल्या कार्याचा पाया मजबूत केला. त्यानंतर १९९८ ते २००३ या काळात एअरपोर्ट्स अथॉरिटी ऑफ इंडियामध्ये अभियंता म्हणून काम करत विमानतळ पायाभूत सुविधांच्या क्षेत्रात योगदान दिले.यानंतर २००३ ते २००९ या कालावधीत भारतीय राष्ट्रीय महामार्ग प्राधिकरण (NHAI), महाराष्ट्र आणि गोवा येथे प्रकल्प संचालक म्हणून त्यांनी काम पाहिले. रस्ते, दळणवळण आणि पायाभूत सुविधा मजबूत करण्याच्या विविध प्रकल्पांमध्ये त्यांचा सहभाग राहिला. अभियंता म्हणून मिळालेला अनुभव पुढे त्यांच्या उद्योजकीय वाटचालीचा भक्कम आधार ठरला.

अभियांत्रिकीपासून उद्योजकतेकडे नवा अध्याय : २००९ नंतर विकास कोळी यांनी पारंपरिक नोकरीच्या चौकटीबाहेर पडत उद्योजकतेच्या क्षेत्रात प्रवेश केला. २००९ ते २०२५ या कालखंडात व्यवसाय उभारणी, नवीन संधींचा शोध आणि विविध क्षेत्रांमध्ये विस्तार यावर त्यांनी भर दिला. अभियंता म्हणून मिळालेली तांत्रिक समज आणि प्रकल्प व्यवस्थापनाचा अनुभव त्यांनी व्यवसाय क्षेत्रात प्रभावीपणे वापरला.त्यांच्या व्यावसायिक प्रवासात Prajarth Creators, Gomata, Indradhanu, Monark तसेच Indo-British Global School यांसारख्या विविध व्यावसायिक उपक्रमांचा उल्लेख करण्यात आला आहे. विविध क्षेत्रांतील व्यवसायांना दिशा देण्याबरोबरच नवउद्योजकांना मार्गदर्शन करण्यावरही त्यांनी भर दिला आहे.

‘Builder of Possibilities’ ते ‘Wealth-Creation Strategist’ : विकास कोळी यांची ओळख केवळ उद्योजक म्हणून मर्यादित न राहता व्यवसाय मार्गदर्शक आणि Wealth-Creation Strategist म्हणूनही निर्माण झाली आहे. उद्योजकांना व्यवसायवाढ, नवकल्पना आणि संपत्ती निर्मितीच्या दिशेने मार्गदर्शन करण्याचे काम ते करीत आहेत. त्यांच्या प्रवासात Engineer to Entrepreneur हा बदल विशेष उल्लेखनीय मानला जात आहे.२०२५ नंतरच्या टप्प्यात त्यांनी उद्योजकता, व्यवसाय मार्गदर्शन आणि नव्या संधी निर्माण करण्यावर अधिक लक्ष केंद्रित केले आहे.

विविध क्षेत्रांतील व्यवसायांना एकत्रित दिशा देत भविष्यासाठी सक्षम उद्योग उभारण्याचा त्यांचा प्रयत्न असल्याचे या माहितीपत्रकातून अधोरेखित होते.अभियांत्रिकीच्या माध्यमातून पायाभूत विकासाचा अनुभव, त्यातून उद्योजकतेकडे घेतलेली झेप आणि पुढे नवउद्योजकांना मार्गदर्शन करण्याची भूमिका, असा विकास कोळी यांच्या कारकिर्दीचा प्रवास आहे. वाढदिवसानिमित्त त्यांच्या या प्रेरणादायी वाटचालीला शुभेच्छांचा वर्षाव होत आहे.