सोलापूर : थंडीच्या दिवसांत बेघर व निराधार वयोवृद्धांना आधार देण्याच्या उद्देशाने संभव फाउंडेशनच्या वतीने एक मायेची ऊब या उपक्रमात अंतर्गत सोलापूर येथील बेघर निवारा केंद्रात राहणाऱ्या आजी-आजोबांना ब्लॅंकेटचे वाटप करण्यात आले.
यावेळी प्रमुख पाहुणे म्हणून प्रा.डॉ अंजना गायकवाड नगरविकास संस्थेचे संतोष सोनवणे, संभव फाऊंडेशनचे अध्यक्ष आतिश कविता लक्ष्मण, प्रविण मस्के,अजित बनसोडे, बेघर निवारा केंद्राचे अशोक वाघमारे आदींची उपस्थिती होती.या कार्यक्रमात उपस्थित मान्यवरांच्या हस्ते ब्लॅंकेटचे वितरण करण्यात आले. यावेळी वयोवृद्धांच्या चेहऱ्यावर समाधान व आनंद दिसून आला. मान्यवरांनी संभव फाउंडेशनच्या या उपक्रमाचे सामाजिक कार्याचे कौतुक करत, अशा उपक्रमांमुळे समाजात माणुसकीची भावना अधिक बळकट होते, असे मत व्यक्त केले
