सोलापूर : सोलापूर जिल्हा समाजसेवा मंडळाचे संस्थापक तथा माजी राज्यमंत्री स्व. दीनानाथ कमळे गुरुजी यांच्या पूर्णाकृती पुतळ्याचे अनावरण रविवार, २८ जून रोजी सकाळी १२ वाजता भंडारकवठे येथील जीवन विकास प्रशालेच्या प्रांगणात होणार आहे.सोलापूरचे पालकमंत्री जयकुमार गोरे यांच्या हस्ते हा सोहळा पार पडणार असून, माजी केंद्रीय मंत्री सुशीलकुमार शिंदे कार्यक्रमाच्या अध्यक्षस्थानी असतील.
यावेळी सोलापूरच्या खासदार प्रणिती शिंदे आणि राज्यसभा खासदार डॉ. ज्योती वाघमारे यांची प्रमुख उपस्थिती असणार आहे. जिल्ह्यातील आमदार सुभाष देशमुख, आ. विजय देशमुख, आ. सचिन कल्याणशेट्टी, आ. देवेंद्र कोठे, माजी आमदार दिलीप माने, माजी मंत्री लक्ष्मण ढोबळे यांच्यासह मान्यवरांची यावेळी उपस्थिती असणार आहे.स्व. कमळे गुरुजी यांनी शोषित, पददलित आणि वंचित वर्गासाठी सातत्याने संघर्ष केला.
सोलापूर जिल्हा समाजसेवा मंडळाच्या माध्यमातून त्यांनी दक्षिण सोलापूर तालुक्यातील घरोघरी ज्ञानगंगा पोहोचवली. गांधीवादाचे कट्टर पुरस्कर्ते आणि साने गुरुजींच्या विचाराने भारलेले स्व. कमळे गुरुजी नव्या पिढीसाठी आदर्श व्यक्तिमत्त्व म्हणून ओळखले जावेत, यासाठी जन्मगावी पूर्णाकृती पुतळा उभारण्यात आल्याची माहिती संस्थेचे अध्यक्ष प्रकाश कोळी यांनी दिली.
