सोलापूर : स्व. राजेश अण्णा कोठे यांच्या जयंतीनिमित्त प्रिंट, इलेक्ट्रॉनिक व डिजिटल मीडिया प्रतिनिधींसाठी विशेष मोफत आरोग्य तपासणी शिबिराचे आयोजन रविवार, दि. १२ जुलै २०२६ रोजी सकाळी ११ वाजता महालक्ष्मी बँक्वेट, अक्कलकोट रोड, एमआयडीसी, सोलापूर येथे करण्यात आले आहे. या शिबिरात लिव्हर फंक्शन टेस्ट (एलएफटी), हिपॅटायटिस बी (एचबीएसएजी), हिपॅटायटिस सी (अँटी-एचसीव्ही), रँडम ब्लड शुगर (बीएसएल) तसेच संगणकीकृत नेत्र तपासणी या सेवा पूर्णपणे मोफत उपलब्ध करून देण्यात येणार आहेत.
याशिवाय ज्येष्ठ मानसोपचारतज्ज्ञ डॉ. श्रीकांत पाटणकर हे “ताणतणाव व्यवस्थापन” या विषयावर विशेष मार्गदर्शन करणार आहेत. पत्रकारितेच्या धकाधकीच्या व तणावपूर्ण कार्यपद्धतीत मानसिक आरोग्याचे महत्त्व आणि त्यासाठी आवश्यक उपाययोजनांबाबत ते मार्गदर्शन करतील. कार्यक्रमास उपस्थित सर्व पत्रकारांसाठी भोजनाची व्यवस्था करण्यात आली आहे. हे शिबिर केवळ प्रिंट, इलेक्ट्रॉनिक व डिजिटल मीडिया प्रतिनिधींसाठी आयोजित करण्यात आले असून, सर्व पत्रकार बंधू-भगिनींनी या उपक्रमाचा लाभ घ्यावा, असे आवाहन आयोजक डॉ. सूर्यप्रकाश राजेश कोठे, गॅस्ट्रोएन्टेरोलॉजिस्ट यांनी केले आहे.
