सोलापूर : इलेक्ट्रिक वाहनांकडे ग्राहकांचा वाढता कल अधोरेखित करणारा १५१ वाहनांचा भव्य वितरण सोहळा चव्हाण ऑटोमोबाईल्सच्या वतीने अक्कलकोट रोड येथील चव्हाण लॉनमध्ये उत्साहात पार पडला. हिरो विडा इलेक्ट्रिक स्कूटरच्या एकाच वेळी झालेल्या मोठ्या वितरणामुळे कार्यक्रमाला विशेष स्वरूप प्राप्त झाले.सोलापूर महानगरपालिकेच्या उपमहापौर ज्ञानेश्वरीताई देवकर यांच्या प्रमुख उपस्थितीत ग्राहकांना वाहनांचे वितरण करण्यात आले.
नव्या इलेक्ट्रिक स्कूटरच्या ताब्यासाठी ग्राहकांमध्ये मोठा उत्साह पाहायला मिळाला.हिरो विडा इलेक्ट्रिक स्कूटरमध्ये आकर्षक रचना, स्मार्ट तंत्रज्ञान, आरामदायी सीटिंग आणि दमदार कामगिरी यांसारखी वैशिष्ट्ये देण्यात आली आहेत. पर्यावरणपूरक तंत्रज्ञानामुळे शहरातील दैनंदिन प्रवासासाठी इलेक्ट्रिक स्कूटर हा सोयीचा पर्याय ठरत असून, त्याला ग्राहकांकडून चांगली पसंती मिळत असल्याचे यावेळी सांगण्यात आले.एकाच कार्यक्रमात १५१ वाहनांचे वितरण झाल्याने चव्हाण ऑटोमोबाईल्सच्या ग्राहकविश्वासाचे चित्र पाहायला मिळाले.
इलेक्ट्रिक वाहनांच्या वाढत्या मागणीच्या पार्श्वभूमीवर सोलापूर शहरातही ई-वाहनांना मिळणारा प्रतिसाद वाढत असल्याचे या सोहळ्यातून स्पष्ट झाले.कार्यक्रमास हिरो विडाच्या हनिषा कालरा, चव्हाण मोटर्सचे शिवप्रकाश चव्हाण, घनश्याम चव्हाण, लक्ष्मी चव्हाण, पुरुषोत्तम चव्हाण यांच्यासह ग्राहक, वाहनप्रेमी व नागरिक मोठ्या संख्येने उपस्थित होते.या कार्यक्रमाचे सूत्रसंचालन ममता बोल्ली-गोरंटला यांनी केले. पुरुषोत्तम चव्हाण यांनी आभार मानले.
