आदेशाचे उल्लंघन केल्यास कारवाई; पोलिस आयुक्तांनी काढले आदेश
सोलापूर – शहर हद्दीत दि. १६ फेब्रुवारी मध्यरात्री ००/०१ वा. ते ०२ मार्च २०२६ रोजीचे २४/०० वा. पर्यंत विना परवाना व बेकायदेशिररित्या ड्रोन प्रक्षेपण, ड्रोनव्दारे छायाचित्रण व इतर कोणत्याही प्रकारे ड्रोनचा वापर करण्यास भारतीय नागरिक सुरक्षा संहिता २०२३ कलम १६३ (१) प्रमाणे मनाई आदेश पोलीस आयुक्त हेमराज कुमार यांनी पारित केले आहेत.
भारतीय नागरिक सुरक्षा संहिता, २०२३ कलम १६३ (१) अन्वये जारी केलेला आदेशप्रमाणे सोलापूर शहर हद्दीत ड्रोन किंवा इतर मानवरहित हवाई यंत्र यांचा वापर काही असामाजिक तत्वांकडून करण्यात येण्याची शक्यता आहे. त्यामुळे राष्ट्रीय सुरक्षेच्या स्थळांना धोका निर्माण होऊ शकतो. तसेच सार्वजनिक शांतता भंग होण्याची शक्यता आहे. या कारणास्तव अशा उपकरणांचा अनियंत्रित वापर टाळण्यासाठी त्वरीत प्रतिबंधात्मक उपायोजना आवश्यक आहेत. म्हणून एम. राजकुमार, पोलीस आयुक्त, सोलापूर शहर भारतीय नागरिक सुरक्षा संहिता, २०२३ कलम १६३ (१) अन्वये सोलापूर शहर, हद्दीत कोणत्याही व्यक्तीस ड्रोन किंवा इतर मानवरहित हवाई यंत्र चालविण्यास, उडविण्यास, किंवा वापरण्यास मनाई करण्यात येत आहे. हा आदेश दि. १६ फेब्रुवारी ००/०१ वा. ते दि. ०२ मार्च २०२६ रोजीचे २४/०० वा. पर्यंत लागू राहील. कोणत्याही व्यक्ती या आदेशाचे उल्लंघन करील, तर तिच्यावर भारतीय नागरिक सुरक्षा संहिता, २०२३ तसेच इतर लागू असलेल्या कायदयांन्वये कारवाई करण्यात येईल. हा आदेश तातडीच्या परिस्थितीमुळे एकतर्फी पध्दतीने लागू करण्यात येत आहे.
