सोलापूर: सोलापूर महानगरपालिकेच्या राजकारणात आणि विकासकामांत नेहमीच अग्रेसर असणारे प्रभाग क्रमांक २६ चे लोकप्रिय नगरसेवक दीपक विजय जमादार यांची महानगरपालिकेच्या अत्यंत महत्त्वाच्या मानल्या जाणाऱ्या स्थापत्य समिती (Public Works Committee) सदस्य पदी नुकतीच निवड करण्यात आली आहे. त्यांच्या या निवडीमुळे प्रभाग २६ ब सह संपूर्ण सोलापूर शहरात त्यांच्या समर्थकांकडून शुभेच्छांचा वर्षाव साजरा करण्यात येत आहे.महानगरपालिकेच्या विशेष सभेत विविध विषय समित्यांच्या निवडीची प्रक्रिया पार पडली. यामध्ये स्थापत्य समितीसाठी दीपक जमादार यांच्या नावावर शिक्कामोर्तब करण्यात आले.
महापालिकेच्या विकास आराखड्यात आणि पायाभूत सुविधांच्या अंमलबजावणीत ‘स्थापत्य समिती’ची भूमिका अत्यंत कळीची असते. जमादार यांचा प्रशासकीय कामाचा अनुभव आणि जनतेशी असलेली नाळ लक्षात घेऊन पक्षाने आणि वरिष्ठ नेत्यांनी त्यांच्यावर ही महत्त्वाची जबाबदारी सोपवली आहे.दीपक जमादार हे प्रभाग क्रमांक २६ मधून निवडून आल्यापासून सातत्याने आपल्या भागातील रस्ते, पाणी, वीज आणि स्वच्छतेच्या प्रश्नांवर काम करत आहेत.
अत्यंत नम्र स्वभाव आणि कामाचा उरक यामुळे त्यांनी अल्पावधीतच जनतेच्या मनात स्थान निर्माण केले आहे. केवळ प्रभागापुरते मर्यादित न राहता शहराच्या सर्वांगीण विकासासाठी ते नेहमीच आग्रही असतात.या निवडीबद्दल सोलापूरचे विविध राजकीय नेते, सामाजिक कार्यकर्ते आणि प्रभागातील नागरिकांनी त्यांचे अभिनंदन केले आहे. “एक अभ्यासू आणि कामाची जाण असणारा लोकप्रतिनिधी समितीवर गेल्यामुळे शहराचे हित जोपासले जाईल,” अशा भावना नागरिकांनी व्यक्त केल्या आहेत.
“पक्षाने आणि नेत्यांनी माझ्यावर जो विश्वास दाखवला आहे, त्या विश्वासाला तडा जाऊ न देता मी सोलापूर शहराच्या पायाभूत सुविधा अधिक सक्षम करण्यासाठी प्राधान्य देईन. स्थापत्य समितीच्या माध्यमातून प्रलंबित विकासकामांना गती देणे हेच माझे मुख्य उद्दिष्ट आहे.
“दीपक जमादार (नगरसेवक तथा सदस्य, स्थापत्य समिती
