सोलापूर : दक्षिण सोलापूर विधानसभा मतदारसंघातील प्रलंबित प्रश्नांची तड लावण्यासाठी आणि मतदारसंघाचा कायापालट करण्यासाठी आज मंत्रालयात एका उच्चस्तरीय आढावा बैठकीचे आयोजन करण्यात आले होते. या बैठकीत शिक्षण, आरोग्य आणि मूलभूत पायाभूत सुविधांच्या बळकटीकरणावर विशेष भर देत अनेक महत्त्वपूर्ण निर्णय घेण्यात आले.
या मध्ये शिक्षणाचा दर्जा आणि शाळांची सुधारणा गावागावातील शाळांची स्थिती सुधारून विद्यार्थ्यांना दर्जेदार आणि आधुनिक शिक्षण मिळावे, यासाठी विशेष निधीची तरतूद करण्याचे निर्देश देण्यात आले आहेत. मतदारसंघातील आरोग्य उपकेंद्रे आणि दवाखाने अधिक सक्षम करून, सर्वसामान्यांना वेळेत आणि तातडीची आरोग्य सेवा मिळावी याला सर्वोच्च प्राधान्य देण्यात आले आहे.रस्ते, वीज आणि स्मशानभूमी यांसारख्या मूलभूत गरजांमध्ये कोणतीही कमतरता राहू नये, यासाठी अधिकाऱ्यांना स्पष्ट सूचना देण्यात आल्या आहेत. सीमावर्ती गावांमधील पाणी, वीज आणि रस्त्यांचे प्रश्न तातडीने सोडवण्यावर या बैठकीत एकमत झाले.हत्तरसंग कूडळ संगम या तीर्थक्षेत्राच्या विकास आराखड्याला गती देण्यात आली आहे. या आराखड्याला उच्चाधिकार व शिखर समितीची मान्यता मिळवून देऊन, आवश्यक निधी उपलब्ध करून देण्याबाबत सकारात्मक चर्चा झाली.
